O vindeiro venres, 18 de outubro, no espazo enocultural Vide,Vide, organizamos un coloquio sobre o marxismo e a cuestión nacional, coa participación de Paulo Cundíns e Rubén Cela. Será ás oito do serán.
 Antes realizar este roteiro cos escolares de 5º e 6º, imos facer unha palestra no Apóstolo Santiago para presentar á comunidade escolar do centro o caderno que imprimimos para a visita guiada ao barrio da Almáciga.
 A AC. O Galo convídavos á presentación-palestra deste libro que é máis un contributo para desvendar a verdadeira Rosalía e a real significación da súa obra da man de quen, con obras fundamentais como Análise sociolóxica da obra de Rosalía de Castro (1988) ou Rosalía de Castro, estranxeira na súa patria (2011), contribuíu como ninguén a deitar por terra os estereotipos e deturpacións interesadas sobre a nosa autora nacional e a restaurar a súa figura.
Reune unha colección de artigos publicados por Francisco Rodríguez nos últimos anos en diversos dixitais, xornais e publicacións especializadas, sempre co ánimo de facer chegar ao grande público unha outra imaxe de Rosalía de Castro, resultado de anos de investigacións e análises rigorosas, fiel á realidade mais aínda hoxe non plenamente asumida. Nas páxinas deste libro vaise perfilando unha Rosalía pioneira non só na escrita en galego, mais tamén na defensa da Galiza frente ao proceso de asimilación política polo novo Estado centralista español, coñecedora das ideas socialistas e profundamente identificada coas clases populares galegas, especialmente coas mulleres labregas. Unha Rosalía coraxosa, consciente do seu papel e determinada a exercer como escritora pese a quen pesar e asumindo os custos persoais desa decisión. Unha muller heterodoxa en múltiples aspectos. Unha galega que só se identificou coa súa patria e que nunca desertou da causa da Galiza. A nosa Rosalía.  Esta exposición resume en vinte paneis a traxectoria vital e literaria de Rosalía. Intenta comunicar o seu espírito de muller valente e galega, consiente de selo, e a intención e orientación que guiou a súa obra.
 A AC. O Galo organiza unha visita guiada á exposición UNHA VIDA VIQUINGA o próximo venres 20 de setembro de 2024, ás 18:00h no edificio do Museo Centro Gaiás da Cidade da Cultura.
Abrangue arredor de 120 pezas históricas e arqueolóxicas procedentes de destacadas institucións museísticas dos países nórdicos. achegarémonos a aspectos como a participación das mulleres nas campañas de exploración, pero tamén ás viaxes e ao comercio, á mitoloxía, á estrutura social e política, á presenza da cultura viquinga fóra de Escandinavia ou á súa relación con Galicia. Durará 75 minutos aproximadamente e ao seu remate poderemos facer preguntas.  A AC. O Galo inicia as súas actividades ca presentación de Liberdade para o Galego. Política, uso e disposición da lingua. Un libro que, baseándose nos últimos datos, aborda a problemática da situación do noso idioma e o posible xeito de superala.
Nela intervirán os seus autores e directivos da Mesa pola Normalización Lingüística Marcos Maceira e Elsa Quintas, xunto con Nestor Rego Candamil, Deputado polo BNG no Congreso de Deputados de Madrid. Terá lugar este sábado 14 de setembro de 2024 ás 12h na Libraría Couceiro de Santiago (Pr. de Cervantes).   PROGRAMA
12h: Benvida aos asistentes e intervención de Felipe Senén, Secretario da Real Academia Galega de Belas Artes e exdirector do Museo Arqueolóxico da Coruña. 12: 45h: Rubida ao último treito do cumio do Pico Sacro, para ler o Alba de Gloria de Castelao. As AC. Vagalumes e AC. O Galo, lerán Alba de Gloria, sendo este ano a asociación invitada a lela xunto con elas a AC Lucenza-Ateneo de Nigrán" 13:30h: Visita á chamada Cova da Raíña Lupa. 15:00h: Xantar. Cada quen levará a súa comida, bebida e os aparellos necesarios para comer. 17h: Roteiro pola Terras da Ulla.  A AC. O Galo, como membro de Iniciativa Galega pola Memoria, participa un ano máis na Homenaxe ás Vítimas da Represión Franquistas que se celebrará na illa de S. Simón, a mañá do domingo 21 de xullo do 2024.
A illa de San Simón foi campo de concentración entre 1936 e 1943, en realidade foi un campo de exterminio onde os presos políticos eran asasinados. Alí estiveron máis de 6.000 persoas confinadas nunhas condicións extremadamente duras de fame, frío, enfermidade, tortura e terror, onde se producían a miúdo fusilamentos masivos. A comezos da Guerra Civil os presos viñan maioritariamente das zonas próximas coma Vigo, Pontevedra, Ourense e Vilagarcía de Arousa, posteriormente chegaban de Asturias, León ou do País Vasco. É todo un símbolo tanto do que supuxo a represión franquista como da resistencia que, pese ao que se acostuma pensar, opuxo o pobo galego ao golpe, así como da solidariedade que, cos presos amosaron moitas persoas da contorna e moi especialmente as mulleres, que lles levaban comida, roupa limpa e consolo. |
Arquivos
Novembro 2024
A Deputación da Coruña colabora coa concesión de subvencións, para que sexa posíbel a organización dalgunha destas actividades.
|
Feed RSS
