Blog Posts - O Galo

roteiro polas terras da ulla: san salvador de camanzo e poboado mineiro de fontao

7/4/2019

Imagem

Imagem

O MOSTEIRO DE SAN SALVADOR DE CAMANZO foi fundado na primeira metade do século X e habitado por monxes. A fins do século XV reconvertírono nun priorado de monxas e incorporárono ao mosteiro compostelán de San Paio de Antealtares, do que depende até a desamortización.
O templo actual foi levantado na segunda metade do século XII sobre un primitivo cenobio.
No edificio destacan os elementos decorativos das arquivoltas dos arcos interiores, sobre todo os da porta principal, con catro anxos realzando a imaxe de SanSalvador que preside o tímpano. Parte da bóveda de canón que cobre o presbiterio está cuberta por pinturas de mediados do século XVI. Destaca no altar a figura pétrea do Salvador, do século XII.
A igrexa comunica, a través dunha porta adornada con diversas molduras, cun moi pequeno, pero precioso claustro, formado por un conxunto de columnas e arcadas.

O POBOADO MINEIRO DE FONTAO
Os primeiros que explotaron a mina de estaño de Fontao foron os ingleses na segunda metade do séc. XIX. Logo chegaron os franceses e seguiron explotando o estaño até a Segunda Guerra Mundial en que se precisou o wolframio, mineral moi abundante na zona. Moitos dos traballadores foron presos políticos que redimían co duro traballo na mina as súas penas.

Deseñou este poboado o arquitecto César Cort Gómez Tortosa, irmán de Juan Luis Cort, propietario e xefe supremo da explotación. César Cort era un arquitecto militante do mevemento moderno e xunto co pontevedrés Basilio Bas proxectaron una urbanización con todos os equipamentos á vangarda do que se facía en Europa no momento: adosados, cubertas planas, aproveitamento intelixente da luz...

O poboado inaugurouse en 1956 e só se habitou até 1974, cando se clausurou a última brecha a ceo aberto da mina. Xa o ritmo da canteira mermara moito en 1963, cando se cerraron as tres bocaminas por abandonarse a explotación baixo terra.

"ALBA DE GRORIA" de Castelao no cumio do pico sacro

7/4/2019

Imagem

ALBA DE GRORIA DE CASTELAO CUMIO DO PICO SACRO
Sábado, 20 / 07 / 2019, ás 12:00h

As AC. O Galo e AC. Vagalumes, integradas na Federación Galiza Cultura, realizan este acto desde que no 2011 se conmemorou o 125 aniversario do nacemento de Afonso Daniel R. Castelao, quen subiu ao Pico Sacro en 1924 e, xa exiliado en Arxentina, simbolicamente volveu a el cando escribiu en Bos Aires Alba de Groria.

Como sempre desde 2011, o sábado antes do Día da Patria Galega, subiremos ao Pico Sacro para ler no seu cumio o discurso Alba de Groria.

PROGRAMA

Mañá: LECTURA DO ALBA DE GRORIA E SUBIDA AO PICO SACRO

12.00h. Concentración onde estaba a fonte do Pico Sacro. Recitado de poemas por parte do taller de declamación da AVC. Agra do Orzán da Coruña.
12:20h. A escritora Marta Dacosta daranos a benvida. De seguido, subida do último treito do cumio do Pico Sacro.
13:00h. Izado da bandeira e lectura de Alba de Groria a cargo de soci@s da AC. O Galo de Santiago, da AC. Vagalumes da Estrada e da asociación cultural invitada; este ano é a AC. Alexandre Bóveda da Coruña. Baixada con parada nas covas da raíña Lupa, para visitalas baixo a guía da poeta Iolanda Aldrei.

Tarde: XANTAR E ROTEIRO POLA ULLA
14:15h: Xantar no restaurante “O Peixeiro”, situado en San Miguel de Castro. Na sobremesa actuará o grupo Maraxe.
16:30h. Saída do restaurante e comezo do roteiro
17h: Visita guiada por Iolanda Aldrei ao pequeno mosteiro medieval de Camanzo, que, ademais, conserva no seu interior algunhas pinturas do s. XVI.
18:15h: Visita guiada ao poboado mineiro de Fontao. As explicacións correrán a cargo do director do museo da minería do wolframio alí instalado, museo que tamén veremos ao igual que o cine e a igrexa do poboado.

Xantar
Menú nº 1, xeral
1º) Entrantes: queixo, croquetas, embutido e empanada
2º) A escoller un, entre os dous pratos seguintes:
Carne asada con patacas estofadas e ensalada ou Churrasco mixto con patacas fritidas e ensalada.
Sobremesa: xeado e café
Pan, viño de Barrantes, do país ou Ribeiro, auga e refrescos

Menú nº 2, vexetariano
1º) Parrillada de verduras: pementos verdes e vermellos, espárragos, cenoura e tomate
2º) Arroz con cogumelos
Sobremesa: xeado e café + Pan, viño de Barrantes, do país ou Ribeiro, auga e refrescos

Menú nº 3, para nen@s de entre 4 e 12 anos
1º) Lulas fritidas
2º) Milanesa con patacas
Sobremesa: xeado +   Pan, auga, refrescos
Canto se consuma fóra dos menús indicados, pagarase a maiores do ingresado no banco.

O prezo dos menús nº 1 e nº 2 máis das visitas guiadas é de 16 euros por persoa, para @s soci@s da AC. Vagalumes, AC. O Galo e AC. Alexandre Bóveda.
As persoas non pertencentes a calquera destas tres asociacións pagarán 19 euros por persoa.
O menú infantil (de 4 a 12 anos) custa 10 euros.
Os cartos deben ingresarse na cc. do BBVA: ES32 0182 5922 49 0201560143, antes do 16 de xullo de 2019 ás 14h, no “papel” do banco hai que indicar o nome e apelidos de cada unha das persoa/s a quen corresponde o ingreso.
Ademais, para o xantar e as visitas guiadas, cómpre ANOTARSE, antes da data e hora arriba indicada, en comunicación@ogalo.gal indicando: nome e apelidos, correo electrónico, teléfono, o prato que se elixe (carne asada ou churrasco mixto) ou se escollen o menú vexetariano ou, no seu caso, o infantil para a rapazada de entre 4 e 12 anos.

sexto convivio da cultura galega

7/4/2019

Imagem

Un dos días importantes da nosa cultura: a sexta edición do Convivio da Cultura Galega que se celebra o sábado 13 de xullo na Casa-Museo Manuel María en Outeiro de Rei.

A xornada comeza ás 11:30, coa acollida das persoas participantes na horta da Casa-Museo Manuel María, ao son da música do coro da Asociación Cultura e Musical Solfa. Pouco despois comeza o encontró das entidades que forman a Federación Galiza Cultura no auditorio da Casa-Museo, para definir las liñas programáticas do vindeiro ano.

En paralelo, o resto de participantes fará unha ofrenda floral a Manuel María no cemiterio de Outeiro coa intervención do arqueólogo galego Felipe Senén, antes do concerto na carballeira de Santa Isabel da Banda Municipal de Música “Sons e soños” de Rábade-Begonte-Outeiro. O convivio pecharase coa foliada despois do xantar a cargo de distintos grupos tradicionais.is.

solsticio de verán: o pequeno lume vello

6/27/2019

Imagem

O sábado, día 29, desde ás 6 da tarde e até ben entrada a noite, celebraremos na Eira da Xoana o solsticio de verán.
Cinco días despois do lume novo ( fogueira de San Xoán) facíase o lume vello ou lume pequeno (fogueira de San Pedro). Era un xeito de celebrar a chegada do verán.

Celebrarémolo este ano o día 29 co seguinte programa:

Ás 18 horas: roteiro polo contorno da Eira da Xoana para recoñecemento das plantas utilizadas nestas datas para protexer as casas, para preparar a auga “milagreira”....
Ás 20,30 h: preparación das brasas para as sardiñas, os torrezons...
Ás 21 horas: poesía e música con: Servando Barreiro, Xosé Iglesias, Mero, Raúl Galego....
E, no cerrado da noite, iniciación á astronomía: observación do ceo estrelado, coa axuda de Fins Eirexas.

Máis información: eiradaxoana.gal

SEOANE. O CREADOR NA SÚA TINTA

6/24/2019

Imagem

Presentación da banda deseñada "SEOANE. O creador na súa tinta. Primeira parte" e Roteiro por Compostela sobre esta mesma obra.
Na banda deseñada desenvólvense nos primeiros anos da vida de Luís Seoane, o polifacético creador galego, exiliado en Argentina. A partir de textos do propio autor e de xente cercana a el, trátase de dar vida e facer memoria da súa etapa de estudante en Santiago de Compostela, das súas influencias, experiencias, primeiros traballos e pensamento até o seu exilio na Arxentina tras o golpe de estado do 36.
Data: Mércores, 26 de xuño de 2019
Lugar: Libraría Couceiro. Praza de Cervantes en Compostela
Hora: 19:00h, presentación na propia libraría. 19:20h, comezo do roteiro polas rúas da cidade para visitarmos os principais lugares onde o pintor Luís Seoane desenvolveu a súa vida, mentres estudou Dereito na USC. A duración aproximada de toda a actividade é de hora e media.

Interveñen: Os deseñadores Enrique Mauricio e Carlos Taboada e un membro da AC. O Galo.

Enrique Mauricio, e Carlos Taboada deciden crear no ano 2008 o colectivo "Polo Correo do Venro", especializado en actividades para o público máis novo para promover a lectura, a comprensión oral e o desenvolvemento da creatividade e expresión artística. Dedícanse tamén a traballos de ilustración, publicidade, creación audiovisual e publicacións infantís, xunto coa realización de actividades de animación á lectura e obradoiros de ilustración e creación de historias.

o panteón real dos reis da galiza volve a rexurdir

6/24/2019

O Panteón Real, dentro da Catedral, é o lugar onde se atopan os sepulcros de dous reis de Galicia, Fernando II e Afonso VIII, e máis doutras destacadas personalidades dese reino, como a emperatriz Berenguela, Xoana de Castro ou o conde Pedro Froilaz de Traba.

Imagem

Mercedes Espiño, secretaria da AC.O Galo, Branca Novoneyra, concelleira de Cultura do Concello de Santiago e Esperanza Delgado, tesoureira da AC.O Galo, na presentación do libro "O Panteón Real"

O Concello de Santiago vén de publicar unha guía sobre o Panteón Real, en colaboración coa Agrupación Cultural O Galo. A concelleira de Acción Cultural, Branca Novoneyra, presentou o xoves a publicación, que forma parte da colección Saber e Descubrir, nunha rolda de prensa na que participaron Esperanza Delgado e Mercedes Espiño, integrantes da asociación.
A concelleira de Acción Cultural explicou que o obxectivo da publicación é "poñer en valor o Panteón Real, un símbolo do noso patrimonio material e inmaterial que ás veces pasa desapercibido dentro da grandiosidade da Catedral de Santiago". Branca Novoneyra sinalou que "o Concello acompañou á Agrupación Cultural O Galo neste traballo que vén desenvolvendo dende hai xa máis de dúas décadas para visibilizar a importancia do Panteón Real como capital simbólico e como mostra da nosa identidade".
A obra presentada o xoves inclúe artigos sobre o Panteón Real asinados por expertos como Ramón Yzquierdo Peiró e Anselmo López Carreira, así como unha introdución elaborada por M.ª del Pilar Rodríguez Suárez e Mercedes Vázquez Bertomeu, de Dehistoria. A publicación complétase cunha achega do flamante director do Museo do Pobo Galego, Manuel Vilar Álvarez, que repasa a historia do Panteón Real acompañándose de numerosas imaxes.
O Panteón Real, dentro da Catedral, é o lugar onde se atopan os sepulcros de dous reis de Galicia, Fernando II e Afonso VIII, e máis doutras destacadas personalidades dese reino, como a emperatriz Berenguela, Xoana de Castro ou o conde Pedro Froilaz de Traba. O deste foi o último sartego en incorporarse ao Panteón Real, que se abrira co soterramento de Raimundo de Borgoña, conde de Galicia. Os investigadores sinalan que a información que se traslada sobre o Panteón Real "non achega unha versión correcta da historia, porque se explica que neste espazo da Catedral están soterrados reis de León, cando realmente foron coroados como reis de Gallaecia, tal e como se recolle na documentación da época"
(Texto tirado de "Compostela24horas.com", publicado o 15 de xuño de 2019 co título "O Panteón Real volve a rexurdir".)

June 24th, 2019

6/24/2019

ROTEIRO "DEDALVS EN COMPOSTELA"

5/31/2019

Imagem

A SELIC (semana do libro de Compostela) terá lugar a primeira semana de xuño de 2019 na Quintana de Santiago de Compostela.
O roteiro "Dedalus en Compostela" organízase dentro das actividades desta semana adicada ao libro.
O percorrido, guiado por Richard Rivera, realizarase o venres 7 de xuño de 2019, ás 18 horas, iniciándose na porta da Selic, instalada na Quintana.
Para asistir cómpre facer a inscrición, canto antes, pois as prazas son limitadas, neste correo electrónico: selic2019@santiagodecompostela.gal
A narración "Dedalus en Compostela", publicada en 1929 no número 67 da Revista Nós, do 25 de xullo, foi reeditada en 1961 pola Editorial Galaxia, baixo supervisión do propio Risco, quen ordenou suprimir varios anacos do texto.
A acción desenvólvese en Compostela o xoves da Ascensión de 1926. Nas rúas compostelás coinciden o propio Risco e Stephen Dedalus, personaxe creado por James Joyce como o seu "alter ego". O narrador, en primeira persoa, é o propio Vicente Risco que nos informa de que, durante o inverno, xa coincidira con Dedalus en Ourense no seu despacho da rúa de Santo Domingo. Tamén explica que o encontro se produce no mundo do imaxinable, pois, ao atopárense en Ourense, Dedalus tiña 43 anos (a idade de Dedalus en Ulises), mais no encontro en Compostela Dedalus só conta con 19 anos (a idade de Dedalus en Retrato do artista cando novo).
Risco comeza só o seu paseo desde un ultramarinos da Rúa da Acibecharía, pasa pola Praza do Pan, o Preguntoiro, a Caldeirería e por Tras Salomé camiñando até a rúa Nova. Nunha libraría a carón do pórtico de Salomé, atopa a Dedalus, co que bota a camiñar de novo polas rúas compostelás. Dedalus explícalle que foi a Compostela como peregrino para ser soterrado alí, como xa o fora Guillerme de Aquitania. Percorren a rúa Nova, a rúa da Conga, a Quintana e Dedalus propón ir ao bar Quiqui, para remataren entrando na catedral, para visitar o sepulcro de Santiago.
Esta narración permítenos facer o percorrido que "realizaron" Vicente Risco e Stephen Dedalus. Saber que edificios sobresaían daquela pola súa modernidade, a ubicación de comercios rexentados por integrantes das Irmandades da Fala ou descubrir como a libreria Niké atraía os visitantes. Asemade, constatamos como a conversa se sitúa dentro do universo simbólico de Santiago ao centrarse na identidade e na relixiosidade, dúas cuestións que de xeito diferente gravitan no imaxinario de James Joyce e de Risco.

leitura homenaxe a xabier p. docampo

5/31/2019

Imagem

Neste mes de xuño de 2019 cúmprese un ano da morte do escritor Xabier P. Docampo.
Vaise celebrar a partir das 17.00 horas do martes 4 DE XUÑO de 2019 na Biblioteca Ánxel Casal de Santiago de Compostela.
O Acto consistirá na leitura de textos de Xabier Docampo. Os e as participantes porémoslle voz á súa palabra, evitando calquera tipo de discurso.
Ás 19.00 horas haberá unha pequena charla da crítica e máxima coñecedora da súa obra María Jesús Fernández.
A participación da AC O Galo, o mesmo que a das outras organizacións participantes, consiste na presenza de asociados e amigos que poidan ler un texto.

ARTIGO PUBLICADO EN "SERMOS GALIZA" O 26 DE XUÑO DE 2018 POR MOR DO PASAMENTO DE XABIER P. DOCAMPO

Morre Xabier P. Docampo, voz imprescindíbel da literatura infantil e xuvenil galega
A súa última, xa derradeira, novela publicouse o pasado novembro. Investigación no gris da posguerra, radiografía das maneiras en que se desprega o poder fascista, investigación de personaxes e precisa maquinaria narrativa, "A nena do abrigo de astracán" (Xerais, 2017) obtivo o recoñecemento dos seus pares na Gala do Libro Galego.
Era unha obra desas que se escriben durante toda a vida, o seu asalto ás coleccións editorialmente enfocadas ao público adulto, ao cabo o derradeiro oitomil dun traxecto en que abundaban.
"Cando petan á porta pola noite" (Xerais, 1994) fora, talvez, o primeiro. Estes catro relatos de terror supuxeron a consagración exterior do escritor. O Ministerio de Cultura outorgoulle o Premio Nacional de Literatura, gañou tamén o White Raven, entrou na lista de honra da IBBY. E o máis importante, entremeteuse na imaxinación de milleiros de lectores mozos.
Milleiros, si. Reeditado en numerosas ocasións e traducido a todas as linguas ibéricas, é un dos títulos chave para entender a posición de Puente DoCampo no olimpo da literatura infantil e xuvenil. Canda el, o seu querido amigo Agustín Fernández Paz (1947-2016), cuxos percursos mantiveron máis dun paralelismo. Mestres antes ca escritores, militantes da renovación pedagóxica e da defensa do galego, a súa literatura serviu non só para entreter e ampliar os horizontes das lectoras. Tamén para abrir as portas da lingua.
A narrativa de Xabier P. DoCampo iniciárase con outro título mítico, "O misterio das badaladas" (Vía Láctea, 1986). "A chave das noces" (Vía Láctea, 1988), "O pazo baleiro" (Xerais, 1997), "A casa da luz" (Xerais, 2002) ou "A illa de todas as illas" (Xerais, 2013) foron conformando un corpo de historias perfectamente construídas, en que misterio, suspense e aventuras arrastran o interese lector. Ao fondo, sempre os seus totems: Robert Louis Stevenson e Álvaro Cunqueiro.
“Fíxenme escritor porque teño memoria de min e dos meus, porque habito a lingua e a infancia, as dúas patrias do ser humano”, veu escribir en 2004 para a páxina da Asociación de Escritores en Lingua Galega da que era Socio de Honra,
Nun Cuestionario Proust que lle remitira o crítico Ramón Nicolás, Do Campo efectuaba un sintético autorretrato. Aprezaba a lealdade nas persoas e salientaba o seu entusiasmo con novos proxectos. Admiraba John Silver -o pirata da Illa do tesouro-, Sherezade e os barbudos de Sierra Maestra. Gustaríalle vivir en Galiza, “mellor sendo dona de si”. E para o futuro, unha palabra de orde: “Non fagas mal a ninguén, que dicía meu pai”.

momentos de galiza e de portugal

5/20/2019

Imagem

MANUEL MIRAGAIA, AUTOR DE "GALEGUIA", FALA DE SI MESMO:

"Chamo-me Manuel Miragaia Doldán. Nasci na cidade da Crunha. Sou licenciado em Filosofia pela Universidade de Santiago de Compostela. Professor de Filosofia no ensino público. Diploma de Suficiência Investigadora do Programa de Doutoramento em Humanidades “Cultura, Ciència e Comunicação” da Universidade da Crunha. Diplomado em Língua Galega pela EOI. Diploma de Português do nível B2.
Realizei trabalhos de investigação e de inovação educativa. Imparti cursos acerca do anterior. Atuei como conferencista e em inúmeros recitais de poesia com as minhas próprias composições.
Tenho publicados os livros “Génese e Apocalipse” (poesia) e “Manual para escritores e outras sátiras” (narrativa), além do ensaio “A realidade portuguesa no pensamento galeguista”. Participei como articulista desde moço em diversos jornais e revistas, alcançando mais de mil artigos publicados, todos eles na nossa língua, em meios como Galicia Hoxe, El Ideal Gallego, La Voz de Galicia, A Nosa Terra, Diario de Ferrol, Diario de Arousa, Diario de Pontevedra, El Progreso, etc.
Uma das coisas das que mais me orgulho é pela minha atividade ao longo da vida a favor da língua galega, do reintegracionismo e do galeguismo. Neste sentido haveria de citar como exemplo a AGAL, da que fui em 1981 um dos seus cinco fundadores.
E sinto-me mais que nada, principalmente, professor, com mais de três décadas de exercício.

MANUEL MIRAGAIA FALA DE "GALEGUIA":

En 2017 publiquei um livro escrito em Galego internacional e editado em Portugal, que está escrito pensando especialmente nos leitores galeguistas ou nacionalistas da Galiza. Alguém o definiu, de um jeito um tanto simplista, como uma espécie de “catecismo” poético do Galeguismo.
Trata-se de um livro poético -com poemas que combinam o verso livre com outros com métrica e rima-, aberto ao mundo que se expressa na nossa língua, no que se fala das relações históricas entre a Galiza e Portugal, e que recolhe os mitos do nosso passado e que sintetiza as ideias principais com as que conformou o Galeguismo desde o século XIX até os dia de hoje.
É uma obra de poesia e, além disso, com ilustrações. Os seus variados poemas são facilmente compreensíveis e versam fundamentalmente dos capítulos mais relevantes da História da Galiza e das essências da nossa cultura, mas também tratam de Portugal, do Brasil e da África lusófona.
O poemário, além de ser uma obra de Literatura, serve também como divulgação ou revisão de alguns dos momentos mais marcantes da nossa História e da dos países da chamada Lusofonia, Galaicofonia ou Galeguia. Um apêndice no final da obra facilita o conhecimento da temática poetizada.
“Galeguia” é, portanto, um livro único nas nossas Letras no que com forma poética se junta o pensamento galeguista e a nossa História.
No livro aparecem textos poéticos dedicados ao Monte Medúlio, à chegada de Hermerico, a Vímara Peres, a Pardo de Cela, a Rosalia de Castro, a Viqueira, a Castelao, a Man, etc. Nele também estão temas portugueses, brasileiros e da África que se exprime na nossa língua. Fala-se nos poemas do livro do carácter internacional da nossa língua, das relações entre a Galiza e Portugal, dos labregos e dos mareantes, da destruição do meio rural, da natureza galega, das ideias republicanas, do comunitarismo tradicional galego, da Galiza estremeira, do Couto Misto, da ecologia, da saudade, etc. E também nele se fala poeticamente de um futuro desejável para a Galiza por meio de uma utopia na que o Galeguismo volta a ser essencial.

Portanto, é um livro acho que muito recomendável para o público galeguista e que pode ajudar e dar ânimos -poéticos- no momento presente.
“Galeguia” teve críticas muito elogiosas e positivas, como as da escritora galega Teresa Moure e as doutros reconhecidos escritores de Portugal e da África lusófona, como se podem ver aqui:
http://pgl.gal/galeguia-manuel-miragaia/?utm_source=dlvr.it&utm_medium=facebook&fbclid=IwAR2qKgn8Is3tkv04mrt45MBjyLlv37c8s3vUtj1-dEaFJB3hEA7m1xgkyvU

http://pgl.gal/um-manifesto-politico-galeguia-chamada-lusofonia-manuel-miragaia/?utm_source=dlvr.it&utm_medium=Facebook

“Galeguia” continua a se vender atualmente nas livrarias galegas e portuguesas, mas também no Brasil.
O livro foi apresentado em muitos locais: Lisboa, Porto, Braga, Betanços, Ferrol, Lugo, Ponte Vedra, Vigo, Ourense, Santiago de Compostela, A Corunha, Vilalba, Foz, Viveiro, Rianjo, Ribeira, Monforte de Lemos, São Genjo e Carvalho. Também esteve nas Feiras do Livro do Porto, Vigo, Ourense, A Corunha, Viveiro, Rianjo, Monforte e São Genjo. E no Culturgal, em Pontevedra.
Realizei inúmeras entrevistas acerca dele em distintos meios de comunicação. Aqui está a última:
https://adiante.gal/mitos-e-mapas-do-pais-bisagra/?fbclid=IwAR3cBOPkLR_Akjze8aL4XGP3HO3K1HRo9jLabFscAYccsoWCShjvFugWOxE
Muitos momentos desse intenso e interessante percurso foram recolhidos nesta página de facebook dedicada ao livro:
https://www.facebook.com/Galeguia-556188814575623/