A Agrupación Cultural O Galo convídate a ti e ás túas amizades, á mesa-debate que se organiza con motivo da saída do prelo da 2ª edición de Problemática nacional e colonialismo. O caso galego, da editora Tempo Galiza. Neste acto os autores do libro analizarán a vixencia dos postulados que nel formulaban, podendo o público enriquecer o debate, perante as mudanzas políticas e económicas acontecidas neste tempo: últimos 44 anos.
A 1ª edición desta monografía (1978) supuxo un fito nos estudos sobre os problemas teóricos do nacionalismo naquela altura, o fenómeno colonial no mundo e as particularidades que singularizan a nosa Terra.

• Lugar: Espazo Etnocultural Vide-Vide. Rúa Fonte de Santo Antonio, 10.
• Data e hora: Xoves, 22 de setembro de 2022, ás 20:00 horas.
• Interveñen: Ramom López-Suevos e Francisco Rodríguez Sánchez, moderando María Antonia Pérez.

Agardamos a túa participación neste coloquio.

PD: Ao remate do coloquio servirase un viño e petiscos.

Sábado, 1 de outubro de 2022
A saída vai ser moi puntual desde Santiago:
07:40 horas:  Dun lugar na zona norte da cidade.
08:00 horas:  Parada de autobuses situada na parte alta da rúa da Rosa, próxima á farmacia que fai esquina coa praza de Puente Castro.
10:00 horas:  Chegada a Quiroga e pequeno paseo pola vila (opcional).
10:20 horas:  Visita orientada polo seu director ao Museo Xeolóxico.
11:30 horas:  Visita orientada polo seu director ao Museo Etnográfico.
13:00 horas:  Pregamento xeolóxico do período carbonífero de Campodola-Leixazos. Explicacións a cargo de Adela Figueroa (ex-presidenta de ADEGA e da Fundación Eira da Xoana).
14:30 horas:  Xantar no restaurante da praia fluvial de San Clodio:
Primeiro prato partillado para tod@s:

• Pementos do "piquillo" recheados de ensaladiña.     
• Revolto de grelos con xamón.
• Empanada de zorza.

Segundo prato a escoller entre:

• Lacón asado.
• Escarapote á prancha.

Sobremesa:

• Tres diferentes sobremesas da casa.

Pan, auga, viño da zona e café.
Menú vexetariano:
Primeiro prato:

• Salteado de verduras.

Segundo prato:

• Espetada vegana.

Sobremesa:

• Tres diferentes sobremesas da casa.

Pan, auga, viño da zona e café.
16:00 horas:  Saída para:

• Poboado e igrexa de Montefurado.
• Cova de Montefurado (Pena do Corvo).
• Mirador de Anguieiros, para ver os montes onde desenvolveron a súas accións @s guerrilleir@s que combateron as tropas de Napoleón (século XIX) e o franquismo (século XX).

19:30 horas:  Miradoiro sobre a desembocadura do río Bibei no Sil, (visita opcional se a luz do día o permite).
22:00 horas:  Chegada á parada da rúa da Rosa de Compostela.
As explicacións da tarde correrán a cargo de Adela Figueroa, María Antonia Pérez e Xerardo Rodríguez Arias. As camiñadas teñen baixa dificultade.
Para asistir a esta actividade:

• Hai que anotarse sinalando nome e dous apelidos, teléfono e e-mail de todas e cada unha das persoas participantes, antes do martes 20 de setembro de 2022 ás 22:00 horas.
• O prezo da actividades para as persoas socias é de 35,00 euros (incluíndo viaxe, comida e visitas orientadas) e para as persoas non socias é de 45,00 euros.