Unha vez máis, a AC. O Galo colabora con Atlántida. Festival Internacional de Narración Oral . Este ano o festival  será en xullo e variarán os lugares da posta en escena.
​
 "Contos, Cantos e outros tantos", espectáculo no que colabora a nosa asociación e que corre a cargo da moi considerada actriz e compiladora do folclore oral portugués ANA SOFIA PAIVA, desenvolverase no Centro Sociocultural Maruxa e Coralia. Praciña das Ánimas, o Mércores, 3 de xullo de 2024, ás 21h.

A Lisboeta Ana Sofia Paiva é licenciada en Teatro pola Escola Superior de Teatro e Cinema e posgrao en Promoción e Medios da Lectura pola UAlg. Integrar o equipo de Arquivo de Folclore da organización City Lore en Nova Iorque. Traballo en Minas Xerais no Instituto Cultural Aletria, no grupo de investigación da UFMG Teatro Público e na NAUM Produtora. É cofundadora da compañía de teatro documental CASEAR, Criação de Documentos Teatrais. Dende 2008 dedícase a recoller, investigar e narrar historias de tradición oral, dentro e fóra de Portugal, tendo representado o país en diversos encontros internacionais (Europa, Irán, Cabo Verde, Canarias, Sudamérica e EE. UU.). É colaboradora do Instituto de Estudios de Literatura e Tradições (IELT) da UNL-FCSH, do CEAO (que alberga o Arquivo das Constelacións Tradicionais Portuguesas e é responsable do Catálogo de Constelacións Tradicionais Portuguesas con Versos Análogos de Países Lusófonos) e da cooperativa Imaterial Memory, onde traballa como actriz, narradora e programadora.
 

O 28 de xuño imos facer unha visita guiada á exposición AS IDADES DO HOME. HOSPITÁLITAS. A GRAZA DO ENCONTRO. Acompañados por Ramón Yzquierdo Peiró, comisario da exposición e Director Técnico-Conservador do Museo da Catedral percorreremos as instalacións da mostra.

Na palestra sobre O escultor Francisco Asorey que impartirá na biblioteca Anxel Casal de Compostela, o mércores 19.06.2024, ás 19:30. A profesora doutora Maribel Iglesias Baldonedo, efectuará un percorrido pola produción do autor cambadés que irá acompañado da proxección de imaxes das súas pezas máis representativas. Ademais, ao seu remate, explicará o monumento a S. Francisco diante da propia escultura (unha das máis significativas do artista), situada a uns 100 m. da biblioteca Anxel Casal.
Maribel Iglesias Baldonedo naceu en Caracas en 1964, sendo filla de emigrantes galegos que cando voltan instálanse en Santiago. Aquí licénciase en xeografía e historia e primeiro traballa no IES Ramón Cabanillas de Cambados, e logo de aprobar as oposicións a profesora de secundaria, consigue o destino definitivo no IES Francisco Asorey desa vila. É unha das estudosas que mellor coñece ao escultor Francisco Asorey, feito que se aprecia no seu estudo  Francisco Asorey, escultor galego, editado a partir da súa Tese de Doutoramento, defendida na USC en 2016.
Interésalle a historia local e procura difundila entre o seu alumnado, indo do particular ao universal. Dentro desta liña atópase Cambados, 100 anos de historia a través da fotografía (2005), un traballo que realizou xunto a alumn@s e compañeir@s do centro educativo, e que obtivo un premio á innovación educativa da Xunta de Galicia. A este seguíronlle os libros Ramón Cabanillas, Biografía en imaxes (2008), polo o que acadou o IX PREMIO CABANILLAS e a súa última publicación: Pazo de Fefiñáns. Historia e Arte (2021), tamén responde a súa teima de espallar o patrimonio de Cambados, contribuíndo deste xeito a que este se respecte, active e conserve.
A entrada será libre até completar a capacidade do salón de actos da Biblioteca Anxel Casal.