Este vindeiro sábado, 22 de xullo de 2023 ás 12h, un ano mais, a AC. O Galo e a AC Vagalumes celebran a LECTURA DO ALBA DE GLORIA DE CASTELAO NO CUMIO DO PICO SACRO. Con esta lectura lembramos a subida a este monte de Castelao e un grupo de amigos seus, algúns deles membros das Irmandades da Fala. Alba de Groria está considerado como un dos mais fermosos textos da literatura galega e o noso grande político e artista escribeuno cando xa estaba exiliado en Bos Aires.
Estas convidad@ a asistir á lectura do Alba de Gloria, así como ás actividades que levaremos a cabo ao seu remate e non precisas anotarte. Asemade, podes traer contigo a a cant@s acompañantes consideres. O transporte corre pola túa conta.

PROGRAMA 
12h:  Benvida aos asistentes e intervención do escritor LOIS DIÉGUEZ
12: 45h:  Rubida ao último treito do cumio do Pico Sacro, para ler o Alba de Groria de Castelao. Xa no petouto, as AC. Vagalumes e AC. O Galo, leran Alba de Groria, sendo a asociación invitada a lela xunto con elas a AC. Roxin Roxal de Paderne, tamén integrante da Federación Galiza Cultura.  
13:30h: Visita á chamada cova da Raiña Lupa.
15:00h: Xantar na carballeira das insuas de Gres. Cada quen levara a súa comida, bebida e os aparellos necesarios para comer.  
17h: Saindo do Campo do Rio (pertísimo das insuas) faremos a pé a ata Donas o Roteiro dos Pescadores (+ ou - 5Km) que decorre á beira do rio Ulla. É chan, con sombra e moi doado de camiñar.
 
19:30h: Veremos o nacemento das augas sulfúricas da aldea de Donas ( “as augas“santas”) e, de poder ser, a chamada Casa das Donas.
Pódedes asistir a todas as actividades programadas, ou únicamente ás que consideres.
Saudos
Agrupación  Cultural  O Galo
Avda. de Lugo  nº 2A, entresollado A
15.702 Santiago de Compostela. Galiza
[email protected]  www.ogalo.gal