O xoves 25 de marzo, coincidindo co aniversario do pasamento do grande estudoso de Rosalía, Ricardo Carvalho Calero, celebrouse en Sigüeiro unha presentación dio libro Espazos de Rosalía que
tamén contou coa presenza da propia Rosalía de Castro, que nos reresentou o poema de A probiña, que está xorda...!
"Alá enriba da montaña,
sai fume das chamineas...
Valor, meu corpiño vello.
Leváime aló, miñas pernas.
Paseniño, paseniño,
aquí para, alí te sentas,
irás chegando, Xuana,
adonde as casas fomegan.
¡Dios diante, a Virxe che valla!,
qu hoxe, seica... seica... seica...
has de comer sete cuncas
de bon caldo, coa da cea,
e máis compango do porco
ou de sardiñas salpresas,
que os montañeses son homes
que cando dan, dan de veras.
Dempois, quentaráste a un lume
grande coma unha fogueira,
e cando xa estés ben quente,
¡a dormir... e que ameñeza!".

O movemento asociativo, entre o que se encontra a AC. O Galo, leva reivindicando desde hai décadas unhas Letras Galegas a Carvalho Calero. Cando ao fin se concederon, unha pandemia fixo que nin no ensino nin nas asociacións puidéramos celebrar como quixéramos esta conmemoración. Aprazámola unha e outra vez agardando mellores circunstancias, mais non podemos adiar por máis tempo a nosa homenaxe e difusión, tan necesaria, deste persoeiro a quen tanto debe a nosa lingua e cultura. Por iso, coincidindo coa data do seu pasamento, o día 25 de marzo, propomos unha xornada de recordo e espallamento da súa figura.

O xoves 25 de marzo de 2021, ás 20:00 horas, celebrarase unha
PALESTRA-COLOQUIO:  CARVALHO CALERO, LINGUA E TERRA, coa participación de:

Mª Victoria Carballo-Calero Ramos, catedrática de Arte da Universidade de Vigo e filla do profesor Ricardo Carvalho Calero.  
Mª Pilar García Negro, profesora da UDC, especialista en sociolingüística e literatura galega.  
Manuel Castelao Mexuto, catedrático de lingua e literatura galega e investigador.   
Posteriormente, ás 20:40 h., celebrase en liña un coloquio cos conferenciantes e representantes das asociacións culturais. 
Para a actividade completa, co coloquio en directo, o enlace é o seguinte:

Ligazón na que se vai celebrar a emisión do vídeo e coloquio
 
Desde a Federación Galiza Cultura, en colaboración coas Deputacións de Pontevedra, A Coruña e Lugo, convidámosvos a sumarvos a esta actividade, xa desde o voso centro, xa individualmente, que, baixo o lema “Carvalho, Lingua e Terra”, celebraremos o día 25 de marzo. Para iso, ofrecémosvos algúns materiais de interese, ben para o voso traballo, ben para o voso coñecemento, ao que se pode acceder gratuitamente no sitio web da Federación Galiza Cultura, con este enlace:

http://galizacultura.gal/carvalho-lingua-e-terra/

O material é o seguinte:

a) O libro "Amigo Carvalho. Do Halley ao Hubble" en formato PDF.
b) As breves intervencións (35' en total) de Mª Victoria Carvalho-Calero, Pilar García Negro e Manuel Castelao, emitidas pola canle de youtube de Galiza Cultura no seguinte enlace:  (https://youtu.be/vvae_B6S1m4)
c) O documental-entrevista: “Carvalho Calero: a posibilidade de rectificar a historia”.

Desde a AC O Galo queremos sumarnos a todas as mobilizacións deste 8 de marzo de 2021, facendo noso parte do comunicado de Galegas 8M: "As mulleres somos responsables e temos a forza para conquistar ese mundo, tamén noso, que soñamos xusto e igualitario. Avanzamos para acadalo desde a insubmisión, a rebeldía e a loita!!!"
O cartaz, como é tradicional nestas datas, xa foi colocado na Praza de Abastos de Santiago e lucirá nos postos durante toda esta semana. A artista que para este ano 2021 nos fornece o cadro é Viki Rivadulla, pintora e escultura autodidacta, residente na Costa da Morte, que ten ralizado numerosas mostras individuais e colectivas e que recibiu varios premios. O cadro elixido, "Nosa é a vida", forma parte da colección "A voz libre".

Non a todas as desigualdades!!!
Un saúdo feminista!