Blog Archives

MUNDOSGALIZA: OBRADOIRO DE VIAXES IMPARTIDO POR LOIS DIÉGUEZ

29/4/2018

0 Comentários

MUNDOSGALIZA PARA ACENDER OS SENTIDOS

                                     MundosGaliza para acender os sentidos
    OBRADOIRO DE ViaxeS a NOVE lugares de Galiza e do Mundo en DÚAS sesións
                                       dirixido por lois diéguez

Lugar: centro sociocultural o ensanche
             rúa frei rosendo salvado, 16
             santiago de compostela

Datas: mércores, 23 de maio 2018. HORA: 18.30
            mércores, 30 de maio 2018. hora 18.30

inscrición:
aGRUPACIón cultural o galo:   OGALO.AC@GMAIL.COM

Cómpre anotarse ogalo.ac@gmail.com especificando o nome, apelidos, DNI, correo electrónico e número de teléfono.

Programa
                                  1ª Sesión: MÉRCORES, 23 de maio 2018
                                                    MundosGaliza
1.1. Itinerario Inés de Castro (Portugal/Galiza).
1.2. Túmulo neolítico de Newgrange (Eire/Irlanda) / Mámoas da Serra de Rañalonga (Ames, Galiza).
1.3. Festa del Foc (La Vall de Boí, Catalunya) / Fachóns de Castro Caldelas (Galiza). 1.4.Túmulo tracio de Kazanlak (Bulgaria) / Dolmen de Dombate (BergantiñoS, Galiza).
1.5. ItineRario de Exeria: Xerusalén / Camiño de Santiago.

                                    2ª sesión: Xoves, 30 de maio 2018
                                                          Galiza
2.1. A Cultura inmaterial: Fachas de Castelo, Taboada (Lugo).
2.2. A paisaxe: Miradoiros da Ribeira Sacra.
2.3. O Entroido: Oso de Salcedo, A Pobra do Brollón (Lugo).
2.4. Os Monumentos: a Catedral de Santiago seguindo a Rosalía de Castro.

                                              Contido
.- Viaxar a CINCO lugares do Mundo relacionados coa nosa cultura e a outros CATRO de Galiza.
.- DÚAS SEsións de hora e quince minutos cada unha, coa participación d@s asistentes.
.- Na primeira sesión repartirase unha carpeta para ir gardando OS postais que se ofrecerán en cada xeira.
.- No reverso dOs postais cada participante irá escribindo o seu parecer sobre o lugar fotografado ou calquera tema que considere relacionado coas viaxes.

.- Nas sesións haberá imaxes, videos, música, extractos orais ou cinematográficos que axuden á vivencia das emocións e á comunicación entre @s asistentes.

          Posteriormente ao ciclo farase unha VIAXE por GalizA OU PORTUGAL AO LUGAR ELIXIDO POLOS ASISTENTES ÁS DÚAS SESIÓNS DO CICLO.

0 Comentários

visita ao panteón real de galiza na catedral de santiago de compostela

6/4/2018

0 Comentários

As explicacións desta visita correrán a cargo de Camilo Nogueira Román, quen leva anos traballando encol dos primeiros tempos do reino galego. É autor de A memoria da nación: O reino de Gallaecia, un estudo publicado por Edicións Xerais de Galiza no ano 2002, sobre a nosa historia durante a alta Idade Media.

Día: xoves, 12 de abril de 2018 Hora de comezo: 18:30h
Lugar de encontro: Porta das Praterías da Catedral de Santiago ás 18:20h

Cómpre anotarse antes do 10. 04. 2018 ás 22h. en ogalo.ac@gmail.com especificando o nome, apelidos, DNI, correo electrónico e número de teléfono.

Coñecermos o “Panteón Real” da Catedral é unha maneira de recoñecérmonos na nosa historia e ter presente que Galiza foi mesmo o primeiro reino de Europa, aínda que a historia oficial se empeñe en negar a nosa traxectoria, e, nomeadamente, o papel nuclear que se desempeñou.

No Panteón Real, situado na coñecida como "Capela das Reliquias" da Catedral de Santiago, encóntranse actualmente os sartegos de algúns reis e persoeiros do Reino de Galiza.
No século XII, o conde de Galiza, Raimundo de Borgoña, decide que recibirá sepultura na Catedral. Tamén terán alí os seus sepulcros o seu neto Fernando II e o seu bisneto Afonso VIII, ambos reis de Galiza-León. Mais non será soterrado na catedral o fillo de Raimundo de Borgoña, o rei Afonso VII, malia ter expresado claramente ese desexo, pero si a súa muller, Dona Berenguela.
A localización orixinal destes sartegos era a carón da Porta da Acibechería, na capela de Santa Catarina, denominada como "capella dos reis" no Tombo A da catedral. Pero no ano 1535 trasladáronse á Capela das Reliquias.
Entre outros persoeiros, gárdanse os restos de:

Raimundo de Borgoña (nacido en 1070 e finado en 1107), casado coa infanta Dona Urraca, conde de Galiza e pai de Afonso Raimúndez (este foi coroado en 1111 por Xelmírez rei de Galiza e despois reinou en León e Castela co nome de Afonso VII).
Berenguela de Barcelona (nacida en 1116 e finada en 1149), casada con Afonso VII.
Fernando II (nacido en 1137 e finado en 1188). Foi el quen nomeu o Mestre Mateo para dirixir a finalización das obras da Catedral, en 1168.
O infante Fernando (nacido en 1192/93 e finado en 1214), fillo primoxénito de Afonso IX e de Dona Tareixa de Portugal.
Afonso IX ou VIII de Galiza e León (naceu en 1171 e finou en 1230, en Sarria, en peregrinación a Santiago).
Xoana de Castro (1340-1374), irmá da famosa Inés de Castro e esposa de Pedro I.
Pedro Froilaz (1075-1128), conde de Traba (o seu sarcófago é de recente factura, da man de Maximino Magariños, 1926).

A Agrupación Cultural O Galo rescatou do esquecemento a existencia deste espazo na catedral, que até comezos da década de 1990 era un lugar desleigado e sen promoción ningunha.