Blog Archives

HOMENAXE ÁS VÍTIMAS DO FRANQUISMO. ILLA DE SAN SIMÓN. XULLO 2019

6/7/2019

Homenaxe ás Vítimas da Represión Franquista, como cada ano, celebraráse na illa de San Simón o domingo 21 de xullo de 2019.

PRIMEIRA PARTE:

- 11:00h. aprox. Visita guiada á illa de San Simón.
- 12:30h. aprox. Acto central na illa de Santo Antón en Homenaxe ás Vítimas da Represión Franquista, que constará da:
Participación de representantes de tres asociacións de Iniciativa Galega pola Memoria e d@s convidad@s a intervir.
Ofrenda floral por parte de tod@s @s asistentes, interpretación do himno galego e volta a San Adrián de Cobres.

SEGUNDA PARTE:
Actividades que se desenvolverán ao voltarmos da Illa:
15:00h aprox.: Xantar: cadaquén levará a súa comida e bebida, xantaremos nas mesas do parque-carballeira do lago de Castiñeiras.
As visitas guiadas de despois de xantar correrán a cargo do técnico de cultura e turismo do concello de Vilaboa, e serán:

17.00h aprox.: Mámoa do Rei e logo á torre de Cotorredondo para desde ela ollar a preciosa vista panorámica das rías de Pontevedra e Vigo.
18:30h aprox.: Capela de Santa Marta en Bértola e á ponte de Rial, onde o guía tamén nos explicará o ritual do Pasteco, que se continúa a facer nesa ponte.

0 Comentários

roteiro polas terras da ulla: san salvador de camanzo e poboado mineiro de fontao

5/7/2019

0 Comentários

O MOSTEIRO DE SAN SALVADOR DE CAMANZO foi fundado na primeira metade do século X e habitado por monxes. A fins do século XV reconvertírono nun priorado de monxas e incorporárono ao mosteiro compostelán de San Paio de Antealtares, do que depende até a desamortización.
O templo actual foi levantado na segunda metade do século XII sobre un primitivo cenobio.
No edificio destacan os elementos decorativos das arquivoltas dos arcos interiores, sobre todo os da porta principal, con catro anxos realzando a imaxe de SanSalvador que preside o tímpano. Parte da bóveda de canón que cobre o presbiterio está cuberta por pinturas de mediados do século XVI. Destaca no altar a figura pétrea do Salvador, do século XII.
A igrexa comunica, a través dunha porta adornada con diversas molduras, cun moi pequeno, pero precioso claustro, formado por un conxunto de columnas e arcadas.

O POBOADO MINEIRO DE FONTAO
Os primeiros que explotaron a mina de estaño de Fontao foron os ingleses na segunda metade do séc. XIX. Logo chegaron os franceses e seguiron explotando o estaño até a Segunda Guerra Mundial en que se precisou o wolframio, mineral moi abundante na zona. Moitos dos traballadores foron presos políticos que redimían co duro traballo na mina as súas penas.

Deseñou este poboado o arquitecto César Cort Gómez Tortosa, irmán de Juan Luis Cort, propietario e xefe supremo da explotación. César Cort era un arquitecto militante do mevemento moderno e xunto co pontevedrés Basilio Bas proxectaron una urbanización con todos os equipamentos á vangarda do que se facía en Europa no momento: adosados, cubertas planas, aproveitamento intelixente da luz...

O poboado inaugurouse en 1956 e só se habitou até 1974, cando se clausurou a última brecha a ceo aberto da mina. Xa o ritmo da canteira mermara moito en 1963, cando se cerraron as tres bocaminas por abandonarse a explotación baixo terra.

0 Comentários

"ALBA DE GRORIA" de Castelao no cumio do pico sacro

4/7/2019

0 Comentários

ALBA DE GRORIA DE CASTELAO CUMIO DO PICO SACRO
Sábado, 20 / 07 / 2019, ás 12:00h

As AC. O Galo e AC. Vagalumes, integradas na Federación Galiza Cultura, realizan este acto desde que no 2011 se conmemorou o 125 aniversario do nacemento de Afonso Daniel R. Castelao, quen subiu ao Pico Sacro en 1924 e, xa exiliado en Arxentina, simbolicamente volveu a el cando escribiu en Bos Aires Alba de Groria.

Como sempre desde 2011, o sábado antes do Día da Patria Galega, subiremos ao Pico Sacro para ler no seu cumio o discurso Alba de Groria.

PROGRAMA

Mañá: LECTURA DO ALBA DE GRORIA E SUBIDA AO PICO SACRO

12.00h. Concentración onde estaba a fonte do Pico Sacro. Recitado de poemas por parte do taller de declamación da AVC. Agra do Orzán da Coruña.
12:20h. A escritora Marta Dacosta daranos a benvida. De seguido, subida do último treito do cumio do Pico Sacro.
13:00h. Izado da bandeira e lectura de Alba de Groria a cargo de soci@s da AC. O Galo de Santiago, da AC. Vagalumes da Estrada e da asociación cultural invitada; este ano é a AC. Alexandre Bóveda da Coruña. Baixada con parada nas covas da raíña Lupa, para visitalas baixo a guía da poeta Iolanda Aldrei.

Tarde: XANTAR E ROTEIRO POLA ULLA
14:15h: Xantar no restaurante “O Peixeiro”, situado en San Miguel de Castro. Na sobremesa actuará o grupo Maraxe.
16:30h. Saída do restaurante e comezo do roteiro
17h: Visita guiada por Iolanda Aldrei ao pequeno mosteiro medieval de Camanzo, que, ademais, conserva no seu interior algunhas pinturas do s. XVI.
18:15h: Visita guiada ao poboado mineiro de Fontao. As explicacións correrán a cargo do director do museo da minería do wolframio alí instalado, museo que tamén veremos ao igual que o cine e a igrexa do poboado.

Xantar
Menú nº 1, xeral
1º) Entrantes: queixo, croquetas, embutido e empanada
2º) A escoller un, entre os dous pratos seguintes:
Carne asada con patacas estofadas e ensalada ou Churrasco mixto con patacas fritidas e ensalada.
Sobremesa: xeado e café
Pan, viño de Barrantes, do país ou Ribeiro, auga e refrescos

Menú nº 2, vexetariano
1º) Parrillada de verduras: pementos verdes e vermellos, espárragos, cenoura e tomate
2º) Arroz con cogumelos
Sobremesa: xeado e café + Pan, viño de Barrantes, do país ou Ribeiro, auga e refrescos

Menú nº 3, para nen@s de entre 4 e 12 anos
1º) Lulas fritidas
2º) Milanesa con patacas
Sobremesa: xeado +   Pan, auga, refrescos
Canto se consuma fóra dos menús indicados, pagarase a maiores do ingresado no banco.

O prezo dos menús nº 1 e nº 2 máis das visitas guiadas é de 16 euros por persoa, para @s soci@s da AC. Vagalumes, AC. O Galo e AC. Alexandre Bóveda.
As persoas non pertencentes a calquera destas tres asociacións pagarán 19 euros por persoa.
O menú infantil (de 4 a 12 anos) custa 10 euros.
Os cartos deben ingresarse na cc. do BBVA: ES32 0182 5922 49 0201560143, antes do 16 de xullo de 2019 ás 14h, no “papel” do banco hai que indicar o nome e apelidos de cada unha das persoa/s a quen corresponde o ingreso.
Ademais, para o xantar e as visitas guiadas, cómpre ANOTARSE, antes da data e hora arriba indicada, en comunicació[email protected] indicando: nome e apelidos, correo electrónico, teléfono, o prato que se elixe (carne asada ou churrasco mixto) ou se escollen o menú vexetariano ou, no seu caso, o infantil para a rapazada de entre 4 e 12 anos.

0 Comentários

sexto convivio da cultura galega

4/7/2019

0 Comentários

Un dos días importantes da nosa cultura: a sexta edición do Convivio da Cultura Galega que se celebra o sábado 13 de xullo na Casa-Museo Manuel María en Outeiro de Rei.

A xornada comeza ás 11:30, coa acollida das persoas participantes na horta da Casa-Museo Manuel María, ao son da música do coro da Asociación Cultura e Musical Solfa. Pouco despois comeza o encontró das entidades que forman a Federación Galiza Cultura no auditorio da Casa-Museo, para definir las liñas programáticas do vindeiro ano.

En paralelo, o resto de participantes fará unha ofrenda floral a Manuel María no cemiterio de Outeiro coa intervención do arqueólogo galego Felipe Senén, antes do concerto na carballeira de Santa Isabel da Banda Municipal de Música “Sons e soños” de Rábade-Begonte-Outeiro. O convivio pecharase coa foliada despois do xantar a cargo de distintos grupos tradicionais.is.

0 Comentários

HOMENAXE ÁS VÍTIMAS DO FRANQUISMO. ILLA DE SAN SIMÓN. XULLO 2019

roteiro polas terras da ulla: san salvador de camanzo e poboado mineiro de fontao

"ALBA DE GRORIA" de Castelao no cumio do pico sacro

sexto convivio da cultura galega

Arquivos