Facendo Cultura en Compostela desde 1961
O Galo
  • Novas
  • Actividades
    • Servizos
  • Arquivo
    • Fotográfico
    • Documental
  • Faite soci@

Galiza: arte e compromiso 1919 / 1939

15/5/2021

0 Comentários

 
Imagem
Palestra e proxección de pintura  Galiza: arte e compromiso 1919 / 1939  impartida polo profesor Carlos López Bernárdez.

Data: Xoves, 20 de maio de 2021 ás 19.30 horas

Lugar: Museo das Peregrinacións, Praza das Praterías. Santiago de Compostela.

Interveñen: Carlos López Bernárdez, profesor e historiador da arte galega

Por mor da situación sanitaria do momento, as prazas son limitadas polo que se prega que enviedes a solicitude de inscrición ao correo electrónico comunicacion@ogalo.gal  antes das 12.00 horas do mércores 19 de maio  de 2021, sendo imprescindíbel que cada persoa que se anote indique nese apuntamento:  nome, dous apelidos, número do DNI e teléfono, por mor das normas Covid.

A admisión será seguindo rigorosamente a orde dos correos recibidos e terán preferencia as persoas asociadas á AC. O Galo. 

É obrigatoria a asistencia con máscara e mantendo as normas de seguridad contra a Covid-19.

CARLOS LÓPEZ BERNÁRDEZ
Nace en Vigo en 1958. É historiador de arte e profesor de lingua e literatura galegas, ensaísta de temas artísticos e literarios e comisario de exposicións, colabora habitualmente en diversos xornais e revistas.  
    No ámbito da análise cultural traballa en dúas liñas fundamentais: 1ª, os estudos da literatura galega do século XX con especial atención aos movementos de vangarda; 2ª, a historia da arte, orientada á construción de análises, nomeadamente sobre a arte galega.
    Entre os seus libros destacan Bestiario en pedra. Animais fantásticos na arte medieval galega, con Xosé Ramón Mariño Ferro (2004); Breve historia da arte galega (2005); Maruja Mallo, a pintura da nova muller (2010); Do idilio á diáspora. Modernidade e compromiso na pintura galega de Castelao a Seoane (2011); Un pintor que sabía o que facía. Achegas á obra pictórica de Luís Seoane (2016), Identidade e universalidade. Lecturas de pintura galega (2018) e Fronte da arte. A arte galega no contexto euopea dos anos trinta (2020).
    No ámbito dos estudos literarios publicou, entre outros, De catro a catro de Manuel Antonio (1991); A emoción da Terra. Poesía de Vicente Risco (1994); Cincuenta anos de poesía galega II (1994); Romanceiro en lingua galega, con X. R. Mariño Ferro (2002) e as edicións literarias da Poesía galega de Lorenzo Varela (1990); Fírgoas de Manuel Luís Acuña, con Ramón Nicolás (1992); Obra dramática de Ramón Cabanillas, con Manuel F. Vieites (1996); A pega rabilonga. Os ruíns de Xosé María Álvarez Blázquez (2008) e Samos de Ramón Cabanillas (2009).
    Na actualidade desenvolve a crítica de arte nos suplementos Faro da cultura do xornal Faro de Vigo e Sermos de Nós Diario.


0 Comentários

Ricardo Carvalho Calero. Tempo DE esperanza

2/5/2021

0 Comentários

 

Tempo de esperanza (Carvalho Calero na súa propia voz),  extractos da entrevista realizada en 1989 por francisco salinas portugal, profesor da UDC e membro da asociación socio-pedagóxica galega.

Imagem
Con presentación e posterior coloquio dirixido por Francisco Rodríguez Sánchez, proxectarase o audiovisual de 35 minutos de duración Tempo de esperanza (Carvalho Calero na súa propia voz),  extractos da entrevista que no ano 1989 lle realizou o profesor da UDC Francisco salinas portugal a Ricardo Carvalho Calero. 

Data: Martes, 11 de maio de 2021 ás 19.30 horas
Lugar: Museo das Peregrinacións, Praza das Praterías. Santiago de Compostela.
Interveñen: Francisco Rodríguez, historiador e estudoso de Carvalho Calero, coeditor da actual versión da entrevista realizada a Carvalho.

Por mor da situación sanitaria do momento, as prazas son limitadas polo que se prega que enviedes a solicitude de inscrición ao correo electrónico comunicacion@ogalo.gal  antes das 12.00 horas do xoves 6 de maio  de 2021, sendo imprescindíbel que cada persoa que se anote indique nese apuntamento:  nome, dous apelidos, número do DNI e teléfono, por mor das normas Covid.

A admisión será seguindo rigorosamente a orde dos correos recibidos e terán preferencia as persoas asociadas á AC. O Galo.
É obrigatoria a asistencia con máscara e mantendo as normas de seguridad contra a Covid-19.
O audiovisual recolle a entrevista de Francisco Salinas, da Asociación Socio-Pedagóxica Galega, ao profesor en 1989.O propósito do vídeo en 1989 era a súa divulgación no ensino non universitario, mais entón aparecía só unha pequena parte das máis de tres horas de gravación. A entrevista completa foi obxecto dun libro en 1991 e unha copia da conversa quedou en depósito no Centro Galego de Artes da Imaxe.

En 2020, os profesores Xoán Costa e Francisco Rodríguez recuperaron o material e realizaron unha nova versión, centrada na resposta de Carvalho, “na súa propia voz”, arredor de 20 temas de interese.

0 Comentários
    Imagen

    O Galo

    Agrupación Cultural que traballa pola nosa cultura

    Arquivos

    Janeiro 2023
    Dezembro 2022
    Novembro 2022
    Outubro 2022
    Setembro 2022
    Julho 2022
    Junho 2022
    Maio 2022
    Abril 2022
    Março 2022
    Fevereiro 2022
    Janeiro 2022
    Dezembro 2021
    Novembro 2021
    Outubro 2021
    Setembro 2021
    Julho 2021
    Junho 2021
    Maio 2021
    Abril 2021
    Março 2021
    Fevereiro 2021
    Outubro 2020
    Maio 2020
    Março 2020
    Fevereiro 2020
    Janeiro 2020
    Dezembro 2019
    Novembro 2019
    Outubro 2019
    Setembro 2019
    Julho 2019
    Junho 2019
    Maio 2019
    Abril 2019
    Março 2019
    Fevereiro 2019
    Janeiro 2019
    Dezembro 2018
    Novembro 2018
    Outubro 2018
    Setembro 2018
    Julho 2018
    Junho 2018
    Maio 2018
    Abril 2018
    Março 2018
    Fevereiro 2018

    Feed RSS

    Imagen
    Imagem

Com tecnologia Crie um website único com modelos personalizáveis.