Díaz Díaz, Xosé (Biobibliografía)
Nado en Ferrol (1944), traballou en Astano desde os 14 anos no taller de Maquinaria, no Departamento de Proxectos, e finalmente, como Economista no Departamento de Orzamentos, Planificación e Control de Custos. Tamén foi membro do Comité de Empresa, e do Consello de administración da empresa.
Responsábel do sector naval da INTG e da CIG, encabezou a delegación da INTG que levou a cabo as negociacións en Madrid en 1984 sobre a re-estruturación do sector naval galego e español, sendo o autor da única alternativa presentada («Posicionamiento sobre el “PROYECTO DE BASES para la reconversión naval” y Programa alternativo» (1984) na negociación co goberno central, e da «Ponencia Base para as Xornadas Técnicas para a defensa da c.n. Galega» (1985) á que se presentaron diferentes Comunicacións polos partidos políticos galegos (agás o PSG-PSOE), os sindicatos, así como outras organizacións relacionadas co sector naval, cuxa defensa provocou numerosas mobilizacións de todo tipo, entre elas, dúas folgas xerais galegas. No ano 1990, a Consellería de Industria lle publicou como libro o «Informe sobre a Construción Naval (CXTG)» do que foi autor, e serviu como base para unhas xornadas técnicas que reuniron a representantes de todo o conglomerado de actividades que conforman o sector naval, así como das conclusións que delas se derivou.
Deputado do BNG nas lexislaturas V e VI. Portavoz das áreas de industria, enerxía e asuntos europeos. Membro entre outras Comisións, da de Economía, da que exerceu de presidente da mesma na V lexislatura, xusto cando estaba a se negociar o sistema de financiamento 2002-2008. En xeral, esta presenza no Parlamento obrigouno a profundar na cuestión político-económica das políticas públicas, publicando numerosos informes e documentos sobre estas cuestións, uns poucos deles publicados na Revista «Terra e Tempo», e na súa páxina dixital («Cadernos»), e en libros colectivos da Fundación «Galiza Sempre» e da Fundación «Moncho Reboiras». No ano 2016, Sermos Galiza S.A. editou o seu traballo «As contas que nos contan. As balanzas fiscais como ideoloxía re-centralizadora», como continuación do seu traballo de 2008 «A Miseria da Solidariedade. As Balanzas Fiscais españolistas».
Nado en Ferrol (1944), traballou en Astano desde os 14 anos no taller de Maquinaria, no Departamento de Proxectos, e finalmente, como Economista no Departamento de Orzamentos, Planificación e Control de Custos. Tamén foi membro do Comité de Empresa, e do Consello de administración da empresa.
Responsábel do sector naval da INTG e da CIG, encabezou a delegación da INTG que levou a cabo as negociacións en Madrid en 1984 sobre a re-estruturación do sector naval galego e español, sendo o autor da única alternativa presentada («Posicionamiento sobre el “PROYECTO DE BASES para la reconversión naval” y Programa alternativo» (1984) na negociación co goberno central, e da «Ponencia Base para as Xornadas Técnicas para a defensa da c.n. Galega» (1985) á que se presentaron diferentes Comunicacións polos partidos políticos galegos (agás o PSG-PSOE), os sindicatos, así como outras organizacións relacionadas co sector naval, cuxa defensa provocou numerosas mobilizacións de todo tipo, entre elas, dúas folgas xerais galegas. No ano 1990, a Consellería de Industria lle publicou como libro o «Informe sobre a Construción Naval (CXTG)» do que foi autor, e serviu como base para unhas xornadas técnicas que reuniron a representantes de todo o conglomerado de actividades que conforman o sector naval, así como das conclusións que delas se derivou.
Deputado do BNG nas lexislaturas V e VI. Portavoz das áreas de industria, enerxía e asuntos europeos. Membro entre outras Comisións, da de Economía, da que exerceu de presidente da mesma na V lexislatura, xusto cando estaba a se negociar o sistema de financiamento 2002-2008. En xeral, esta presenza no Parlamento obrigouno a profundar na cuestión político-económica das políticas públicas, publicando numerosos informes e documentos sobre estas cuestións, uns poucos deles publicados na Revista «Terra e Tempo», e na súa páxina dixital («Cadernos»), e en libros colectivos da Fundación «Galiza Sempre» e da Fundación «Moncho Reboiras». No ano 2016, Sermos Galiza S.A. editou o seu traballo «As contas que nos contan. As balanzas fiscais como ideoloxía re-centralizadora», como continuación do seu traballo de 2008 «A Miseria da Solidariedade. As Balanzas Fiscais españolistas».
Feed RSS
