XEIRA POLAS TERRAS DE SOBER, EN COLABORACIÓN CO MUSEO DO POBO GALEGO

O MUSEO DO POBO GALEGO CONVIDOU A AC.OGALO A PARTICIPAR NA VIAXE CULTURAL QUE ORGANIZA POLAS TERRAS DE SOBER PARA O PRÓXIMO SÁBADO 6 DE OUTUBRO DE 2018.

PROGRAMA:

10.30h. Chegada a Sober e parada na vila. Na Oficina de Turismo colocaron en xullo de 2017 un menhir, o "Marco da Pedra  Longa" que sinalaba o límite entre varias parroquias.  

11.00 h. Visita guiada a Proendos. Pequeno roteiro circular para ver petróglifos, restos romanos, igrexa románica de Santa  María con  pinturas murais do século XVI e casas grandes. Din que en Proendos estaba a antiga  Proencia. 

12.15 h. Visita á igrexa románica De San Xillao de Lobios, con restos de pinturas murais, capela da Raíña  dos Anxos, cruceiro, ELEMENTOS ARQUITECTÓNICOS UNIDOS por unha lenda.   
13.30h. Visita á Adega O Cruceiro (Vilachá, San Martiño de Doade)  

14.30h. Comida na Cantina dos meus avós (Bulso)
 
16.00h. Visita ao miradoiro de Cadeiras sobre os canóns do Sil. Aquí sitúase o santuario dA Virxe de Cadeiras, iniciado no século XVIII  e non rematado. Está rodeado duns pendellos que abrigaba aos canteiros e, despois, aos romeiros.  

17.00h. Visita á reitoral de Gundivós, alfar do  oleiro Elías. En Gundivós chegaron a traballar uns trinta oleiros, agora queda Elías e en Corvelle (Proendos) está a olaría  Figulus de Tomás López. Despois EN Vilanova VISITA os restos dos antigos fornos e  unha casa encintada.  

18.30h. Explicación e degustación de cervexa ARTESANAL Chacueca  

21.00h. Chegada a Compostela.