Palestra sobre Xelmírez e o Pío Latrocinio

Miguel Vázquez Freire

Corcubión, 1951). É catedrático de Filosofía e exerceu en diversos institutos, membro de Nova Escola Galega, dos Grupos Enxergo e Nexos e forma parte do consello de redacción de Tempos Novos. Así mesmo é autor de obras sobre filosofía, didáctica da filosofía. educación en valores e medios de comunicación e de numerosos artigos sobre literatura infantil. Tamén escribiu novelas, contos e teatro, tanto de literatura infanto-xuvenil como para adultos.
As súas últimas obras publicadas son: De Compostela a Braga e de Braga a Compostela. O Pío Latrocinio e outras vellas inimizades (Positivas, 2022) e O moucho voa. Filosofía en 28 conversas (Xerais, 2022).

Resumo do contido da palestra
XELMIREZ E O PIO LATROCINIO

A importancia do arcebispo Diego Xelmírez na consolidación da cidade de Santiago de Compostela como un dos principais destinos de peregrinación da cristiandade a partir do século XII, é ben coñecida. Pero menos coñecidos son algúns dos manexos dos que se valeu para lograr esa consolidación; entre eles está a “guerra de reliquias” que mantivo coa sede bispal de Braga, diocese que lle disputaba a Santiago a primacía eclesiástica no noroeste peninsular.
Ademais de centrar o foco nesa rivalidade relixioso-política, tamén se falará de como nese mesmo período se sentan os alicerces do que será o novo reino de Portugal e de como a historiografía portuguesa tradicional denuncia a Xelmírez e á nobreza galega de ser inimigos dese proxecto. Falarase tamén de como os episodios históricos co tempo son transformados en relatos lendarios ou en historias populares e como estes e estas, por veces, acaban penetrando na memoria popular con maior forza que a moderna historia considerada científica. E igualmente incidirse en como aquelas vellas inimizades na actualidade poden seguir actuando como puntos de resistencia para que os pobos irmáns galego e portugués deixen de vivir de costas viradas.