O sábado 28 de setembro ás 11:30h horas, na libraría Couceiro (Praza de Cervantes de Compostela), terá lugar a mesa redonda coa que presentamos O Panteón Real, unha monografía editada pola AC. O Galo e o Concello de Santiago.
Nesta presentación intervirán:
.- Anselmo López Carreira (profesor de Historia Medieval na UNED)
.- Manuel Vilar Álvarez (director do Museo do Pobo Galego)
.-Ramón Yzquierdo Peiró (director do Museo da Catedral de Santiago)
.- Daniel Lorenzo Santos (director da Fundación Catedral de Santiago)
.- Mercedes Rosón (concelleira de cultura do Concello de Santiago).
Ao rematar a actividade, todas as persoas socias da AC. O Galo recibiremos gratis dous exemplares do libro O Panteón Real e visitaremos de balde a Capela das Reliquias, onde están os enterramentos do Panteón Real, e os restos do coro pétreo do Mestre Mateo.
Todos os socios e socias da AC. O Galo estades convidad@s a asistir ás 3 actividades anteriores, e ademais cada socio/a poderá traer un acompañante (só una persoa por socio) que, a maiores de asistir á mesa redonda, tamén poderá ver gratuitamente esas dúas xoias escultóricas que acubilla a catedral compostelá.
O programa desenvolverase do seguinte xeito:
11:30h: Táboa redonda de presentación do libro O Panteón Real. Ao seu remate, entregaranse de balde 2 exemplares a cada soci@ da AC. O Galo.
12:45h: 1º grupo. Visita guiada por Anselmo López Carreira ao Panteón Real
12:45h: 2º grupo. Visita guiada por Ramón Yzquierdo ao Coro pétreo do Mestre Mateo
13:15h: 1º grupo. Visita guiada por Ramón Yzquierdo ao Coro pétreo do Mestre Mateo
13:15h: 2º grupo. Visita guiada por Anselmo López Carreira ao Panteón Real
En caso de moita demanda por parte dos socios, organizaremos un terceiro grupo que entraría ás 13:45h; por este motivo pregámosvos que vos apuntedes canto antes.
RSS Feed
