Todos os días do ano, todos os povos do mundo deben preservar, conservar, poñer en valor e espallar a súa cultura. Por isto, e non só porque o próximo 17 de maio se celebran as nosas letras, organizamos a presentación do libro Renacer á Descuberta das Palabras, editado polo xornal Sermos Galiza. Ao remate desta presentación haberá coloquio tamén coas autoras da obra.
O libro está centrado en Mª Victoria Moreno, a quen este ano se lle adica o Día das Letras Galegas.
Desde 1963 ata 2018, só houbo catro mulleres homenaxeadas: Rosalía de Castro (1963), Francisca Herrera Garrido (1987), María Mariño (2007) e Mª Victoria Moreno (2018).
Nacida en Valencia de Alcántara (provincia de Cáceres) en 1939, foi unha galega de vocación, e de adopción. Ademais de profesora de ensino secundario en institutos de Lugo, Sanxenxo e Pontevedra, foi editora, tradutor, conferenciante, escritora de literatura infantil e xuvenil galega. Participou activamente na vida cultural e política de Pontevedra e de Galiza, defendendo e promovendo o galego. En xullo de 1973, foille denegado o pasaporte pola policía por ter participado e impartido desde 1971 uns cursos de galego non remunerados en Pontevedra e Vilagarcía de Arousa.
A súa obra máis coñecida é "Anagnórise", publicada en Editorial Galaxia en 1988. En literatura infantil "Leonardo e os fontaneiros" acadou o premio na 3ª convocatoria "O Barco de vapor" e foi publicado por Ed. Galaxia en 1986.
Como tradutora, resaltaremos "Mecanoscrito da segunda orixe", de Manuel de Pedrolo, 1989.
Sobre esta escritora e a súa obra falarán:
Mercedes Queixas Zas, escritora
Montserrat Pena Presas profesora da USC, que fixo a súa tese de doutoramento sobre a literatura infantil galega
Carme Vidal Laxe, xornalista e investigadora
Mercedes Espiño, presentará o acto en nome da AC O Galo.
O acto terá lugar no espazo Enocultural Vide-Vide (Rúa Fonte do Stª Antonio nº 10, Santiago), ás 20:30h do martes 8 de maio de 2018.
O libro está centrado en Mª Victoria Moreno, a quen este ano se lle adica o Día das Letras Galegas.
Desde 1963 ata 2018, só houbo catro mulleres homenaxeadas: Rosalía de Castro (1963), Francisca Herrera Garrido (1987), María Mariño (2007) e Mª Victoria Moreno (2018).
Nacida en Valencia de Alcántara (provincia de Cáceres) en 1939, foi unha galega de vocación, e de adopción. Ademais de profesora de ensino secundario en institutos de Lugo, Sanxenxo e Pontevedra, foi editora, tradutor, conferenciante, escritora de literatura infantil e xuvenil galega. Participou activamente na vida cultural e política de Pontevedra e de Galiza, defendendo e promovendo o galego. En xullo de 1973, foille denegado o pasaporte pola policía por ter participado e impartido desde 1971 uns cursos de galego non remunerados en Pontevedra e Vilagarcía de Arousa.
A súa obra máis coñecida é "Anagnórise", publicada en Editorial Galaxia en 1988. En literatura infantil "Leonardo e os fontaneiros" acadou o premio na 3ª convocatoria "O Barco de vapor" e foi publicado por Ed. Galaxia en 1986.
Como tradutora, resaltaremos "Mecanoscrito da segunda orixe", de Manuel de Pedrolo, 1989.
Sobre esta escritora e a súa obra falarán:
Mercedes Queixas Zas, escritora
Montserrat Pena Presas profesora da USC, que fixo a súa tese de doutoramento sobre a literatura infantil galega
Carme Vidal Laxe, xornalista e investigadora
Mercedes Espiño, presentará o acto en nome da AC O Galo.
O acto terá lugar no espazo Enocultural Vide-Vide (Rúa Fonte do Stª Antonio nº 10, Santiago), ás 20:30h do martes 8 de maio de 2018.
Canal RSS
