A REQUINTA é unha frauta que pervive con vitalidade en Centroeuropa e que na Galiza só se segue a tocar nas terras da Ulla.
Este FESTIVAL DA REQUINTA DA ULLA está organizado pola AC. O Galo, en colaboración coa Asociación Cultural Mestre Gacio, de Boqueixón, e nel intervirán os grupos A Requinta de Xián, Luz do Ilicinio, Raiola, Raeira, así como o cantautor Manoele de Felisa.
O repertorio musical está constituído por pezas tradicionais de requinta, e por pezas en que esta frauta vai acompañada doutros instrumentos, tanto de vento como de percusión (entre estes o charrasco). Varias das pezas que escoitaremos recuperáronse moi recentemente.
Cunha duración aproximada de 90 minutos, o acceso será libre até completar aforo, o Festival da REQUINTA DA ULLA terá lugar na sala grande (a Angel Brage) do Auditorio de Galiza, en Santiago de Compostela, o venres 9 de novembro de 2018, ás 20.30 horas.
Tres dos grupos participantes, Luz do Ilicinio, Raiola e Raeira pertencen á Asociación Cultural Mestre Manuel Gacio de Lestedo, que conta con nove grupos de música tradicional. Os nomes de todos estes grupos teñen a orixe común de estaren relacionados coa claridade: RAEIRA é a "Luz agarimosa entre chuvieiras do sol en inverno", mentres RAIOLA é un "feixe de luz de intensa luminosidade" e LUZ DO ILICINIO refirese á luz sobre o monte Ilicinio, o monte máxico, coñecido como o Pico ou Pico Sacro, que domina os concellos de Vedra e Boqueixón e que tamén se divisa desde Compostela.
A idea de crear unha Asociación Cultural en Lestedo foi suxerida polo escritor, profesor e veciño, Xosé Manuel Lobato, en 2011 coa idea de contar no ámbito parroquial e municipal de Boqueixón cunha Asociación que dinamice, fomente, divulgue e promova a cultura e o patrimonio artístico. Con estas finalidades, naceu a Asociación Cultural Mestre Manuel Gacio, nome suxerido tamén polo escritor en recordo do que foi moitos anos docente na parroquia.
Este FESTIVAL DA REQUINTA DA ULLA está organizado pola AC. O Galo, en colaboración coa Asociación Cultural Mestre Gacio, de Boqueixón, e nel intervirán os grupos A Requinta de Xián, Luz do Ilicinio, Raiola, Raeira, así como o cantautor Manoele de Felisa.
O repertorio musical está constituído por pezas tradicionais de requinta, e por pezas en que esta frauta vai acompañada doutros instrumentos, tanto de vento como de percusión (entre estes o charrasco). Varias das pezas que escoitaremos recuperáronse moi recentemente.
Cunha duración aproximada de 90 minutos, o acceso será libre até completar aforo, o Festival da REQUINTA DA ULLA terá lugar na sala grande (a Angel Brage) do Auditorio de Galiza, en Santiago de Compostela, o venres 9 de novembro de 2018, ás 20.30 horas.
Tres dos grupos participantes, Luz do Ilicinio, Raiola e Raeira pertencen á Asociación Cultural Mestre Manuel Gacio de Lestedo, que conta con nove grupos de música tradicional. Os nomes de todos estes grupos teñen a orixe común de estaren relacionados coa claridade: RAEIRA é a "Luz agarimosa entre chuvieiras do sol en inverno", mentres RAIOLA é un "feixe de luz de intensa luminosidade" e LUZ DO ILICINIO refirese á luz sobre o monte Ilicinio, o monte máxico, coñecido como o Pico ou Pico Sacro, que domina os concellos de Vedra e Boqueixón e que tamén se divisa desde Compostela.
A idea de crear unha Asociación Cultural en Lestedo foi suxerida polo escritor, profesor e veciño, Xosé Manuel Lobato, en 2011 coa idea de contar no ámbito parroquial e municipal de Boqueixón cunha Asociación que dinamice, fomente, divulgue e promova a cultura e o patrimonio artístico. Con estas finalidades, naceu a Asociación Cultural Mestre Manuel Gacio, nome suxerido tamén polo escritor en recordo do que foi moitos anos docente na parroquia.
Na foto do seguinte cartaz anunciador do Festival, observamos os músicos coa requinta e co charrasco.
Feed RSS
