Facendo Cultura en Compostela desde 1961
O Galo
  • Novas
  • Actividades
    • Servizos
  • Arquivo
    • Fotográfico
    • Documental
  • Faite soci@

exposición “125 anos con Nós” e proxección do documental “Ánxel Casal, a luz impresa”

27/1/2022

0 Comentários

 
Imagem
Visita guiada á exposición “125 anos con Nós” e proxección do documental “Ánxel Casal, a luz impresa”

Lugar: Biblioteca Pública Ánxel Casal. Avda. Xoán XXIII
Data e hora: MÉRCORES, 2 de febreiro de 2022 ás 17:45h
Actividade: Visita guiada á exposición “125 anos con Nós” e proxección do documental “Ánxel Casal, a luz impresa”
Interveñen: Xoán Leira, comisario de “125 anos con Nós”, realizará a visita guiada a esta mostra. E así mesmo, como director do documental “Ánxel Casal, a luz impresa”, tamén efectuará a presentación deste e respostará as preguntas que o público faga, logo de visionalo.

Aforo: 30 persoas para a visita guiada e 60 persoas para ver o documental que se proxectará mesmo a continuación de finalizar a visita guiada.
Cómpre anotarse en [email protected] indicando nome, apelidos e teléfono, antes das 12.00 horas do martes, día 01.02.2022.
Posteriormente á admisión, que será comunicada por correo electrónico,  media hora antes do comezo deste acto é preciso recoller a entrada no mostrador da Biblioteca Ánxel Casal.

A AC. O Galo de Compostela organiza esta actividade que nace impulsada por Galiza Cultura, federación á cal pertence. A mostra encargouse de levala a cabo a AC. Ánxel Casal de Arzúa, tamén integrante de Galiza Cultura, para así lembrar que a Ánxel Casal se lle debe adicar o Día das Letras Galegas. O documental está realizado e dirixido por Xoán Leira (tamén comisario da exposición e que será quen a explique), dura 45 minutos e aborda a traxectoria deste insigne persoeiro do primeiro terzo do século XX.
A mostra amosa o labor deste persoeiro que tanto colaborou para difundir a cultura galega editando libros, periódicos e revistas que hoxe son referentes, que convirteu a súa imprenta e editora situada na rúa do Vilar nun lugar de xuntanza para a intelectualidade da época, así como para universitarios preocupados pola situación politicocultural do momento, que foi alcalde republicano de Compostela e “paseado” polos fascistas.
Ánxel Casal sendo adolescente emigrou a América e logo a Burdeos. Formou parte das Irmandades de Fala e, xunto con María Miramontes, colaboraron os dous nas súas actividades especialmente no desenvolvemento do Conservatorio de Arte Galega e en poñer en funcionamento a Escola de Ensino Galego.
Con Leandro Carré Alvarellos fundou a Editorial Lar (1924) e logo a Editorial Nós (1927). Foi o editor de revistas tan senlleiras como A Nosa Terra e Nós, e de moitas das publicacións do Instituto de Estudos Galegos. Tamén grazas a el viron a luz os semanarios composteláns Claridad e Ser, ambos de tendencia esquerdista e a Asociación de Escritores Galegos (1936).
Como membro do Partido Galeguista, participou en 1933 no Pacto de Compostela, no cal se acordou a colaboración entre as forzas nacionalistas vascas, galegas e catalás e que se coñece co nome de Galeuzca. Tivo un rol moi activo na campaña polo Estatuto de Autonomía de Galicia, e en xuño de 1936 foi un dos comisionados para entregarllo ao presidente do Congreso dos Deputados.
Asemade, foi alcalde de Santiago de Compostela e vicepresidente da Deputación da Coruña. En agosto de 1936, os franquistas asasinárono.
Ánxel Casal actuou cal un “nodo” capital dentro da cultura galega do século XX; sen a súa cooperación non sairían do prelo obras fundamentais da nosa literatura. É unha figura chave dentro do sistema literario galego e, por tanto, indispensabel para o posterior desenvolvemento das nosas letras. Porén, asemade, compre lembrar que María Miramontes foi a colaboradora imprescindibel para soster economicamente as empresas culturais que abordou o seu home.
Coa visita guiada a esta mostra e coa proxección do audiovisual sobre Ánxel Casal, a AC. O Galo pretende axudar a achegar o seu labor ao gran público, así como apoiar que se lle adique o Día das Letras Galegas.


0 Comentários



Deixe uma resposta.

    Arquivos

    Junho 2025
    Maio 2025
    Abril 2025
    Março 2025
    Fevereiro 2025
    Janeiro 2025
    Dezembro 2024
    Novembro 2024
    Outubro 2024
    Setembro 2024
    Julho 2024
    Junho 2024
    Maio 2024
    Abril 2024
    Março 2024
    Fevereiro 2024
    Janeiro 2024
    Dezembro 2023
    Novembro 2023
    Outubro 2023
    Setembro 2023
    Julho 2023
    Junho 2023
    Maio 2023
    Abril 2023
    Março 2023
    Fevereiro 2023
    Janeiro 2023
    Dezembro 2022
    Novembro 2022
    Outubro 2022
    Setembro 2022
    Julho 2022
    Junho 2022
    Maio 2022
    Abril 2022
    Março 2022
    Fevereiro 2022
    Janeiro 2022
    Dezembro 2021
    Novembro 2021
    Outubro 2021
    Setembro 2021
    Julho 2021
    Junho 2021
    Maio 2021
    Abril 2021
    Março 2021
    Fevereiro 2021
    Outubro 2020
    Maio 2020
    Março 2020
    Fevereiro 2020
    Janeiro 2020
    Dezembro 2019
    Novembro 2019
    Outubro 2019
    Setembro 2019
    Julho 2019
    Junho 2019
    Maio 2019
    Abril 2019
    Março 2019
    Fevereiro 2019
    Janeiro 2019
    Dezembro 2018
    Novembro 2018
    Outubro 2018
    Setembro 2018
    Julho 2018
    Junho 2018
    Maio 2018
    Abril 2018
    Março 2018
    Fevereiro 2018

    Feed RSS

    Imagen
    Imagem
    A Deputación da Coruña colabora coa concesión de subvencións, para que sexa posíbel a organización dalgunha destas actividades.

Com tecnologia Crie um website único com modelos personalizáveis.