guerra de 1936/1939 en compostela

O vindeiro venres, 21 de febreiro, ás 19:30h., teremos unha palestra no CSC do Ensanche na que falaremos da cidade de Santiago na retagarda, do traballo das mulleres compostelás na farmacia militar, da xénese do aeroporto de Lavacolla e dos presos no campo de concentración; artigos que se recollen no  libro "GUERRA DE 1936/1939 EN COMPOSTELA" que acabamos de editar cunha axuda do concello de Santiago. No acto estarán os seus autores acompañados por Xosé Lois Rivas que participou na exhumación dos restos dos presos do campo de concentración asasinados e enterrados nunha das foxas do Amenal, e a concelleira Míriam Louzao.
A entrada é aberta a todo o público até encher o aforo.