crónica da universidade galega

O vindeiro mércores, 17 de setembro, teremos ocasión de escoitar a  Ricardo Gurriarán na palestra CRÓNICA DA UNIVERSIDADE GALEGA. Vainos falar do acontecido entre 1923  e 1936 na Univedrsidade Galega, como a denominou Cadarso, o reitor que foi quen de engadir ás catro facultades existentes dúas novas: Historia (Filosofía e Letras) e Química. Ambas comezaron a súa andaina a principios de 1923, con docentes mozos que labraron unha mudanza que se consolidará a partir de 1930. Sen esqueder a participación do estudantado e a participación do Seminario de Estudos Galegos nos novos proxectos. 

Ricardo Gurriarán Rodríguez é   licenciado en Educación Física pola Universidade Policténica de Madrid,e doutor en Historia Contemporánea pola USC, coa tese A investigación científica en Galicia (1900-1940): institucións, redes formativas e carreiras académicas: A ruptura de Guerra Civil.
As súas liñas de investigación son: a cultura deportiva, guerra civil española.
Entre as súas publicacións relacionadas co tema destacan:
A investigación científica (1900-1940): Institucións, redes formativas e carreiras académicas. 2003.
Ciencia e conciencia na Universidade de Santiago (1900-1940). Do influxo institucionista e a JAE á depuración do profesorado. Premio da Crítica Galicia  de investigación 2007.
«Alejandro Rodríguez Cadarso: un innovador que fixo país».  En Rodríguez Cadarso. Un Reitor para un país. 2008. Pp. 94-113.