Adianto  da programación:
PRIMEIRA PARTE:
10h,: Saída do porto de Cesantes da AC. O Galo e posíbeis acompañantes.
11h. aprox.: Visita á illa de S. Simón, guiada por Matías da Torre ou por Luís Bará.
12:30h. aprox.: Homenaxe ás vítimas do campo de concentración de S. Simón. Nel intervirán Alba Costas e Xurxo Ayán e efectuarase unha ofrenda floral ás vitimas do campo de concentración desa illa e de todos os campos de prisioneiros.
 
SEGUNDA PARTE (pola tarde), poden incorporarse amig@s d@s soci@s:
14:30h. aprox.: Saída da illa cara ao porto de Cesantes. Desde aquí partimos para xantar ao aire libre: Cada quen traerá da casa a comida, bebida e aparellos para xantar.
17:30h. aprox.: Roteiro pola zona da ría de Pontevedra ou de Vigo.

O próximo sábado, 19 de xullo de 2025 ás 12h, un ano máis desde 2011, a Federación Galiza Cultura, da man da AC. O Galo e a AC Vagalumes celebran no cumio do Pico Sacro a LECTURA DO ALBA DE GLORIA DE CASTELAO, un dos textos máis fermosos da literatura galega e que o noso grande político e artista escribe estando xa exiliado en Bos Aires.
Lembramos así a subida a este monte de Castelao e un grupo de amigos seus, algúns membros das Irmandades da Fala e, asemade, os 75 anos da súa morte. A AC. O Galo convídate á lectura do Alba de Gloria.
Non  é preciso anotarse,  e cada quen debe usar os seus propios medios de transporte para ir ata o Pico Sacro.
 
PROGRAMA 
12:00h.: Benvida e intervención de Manuel Rey profesor e estudoso da figura de Castleo.
12:30h.: Rubida ao último treito do cumio do Pico Sacro con parada na capela. Xa no petouto, as AC. Vagalumes, AC. O Galo e varias asistentes, lerán Alba de Groria de Castelao.
13:30h.: Baixada con parada para ver a chamada cova da Raíña Lupa.
15:00h. aprox.: Xantar de convivio no val do Ulla. O lugar depende da climatoloxia e cada quen levará a súa comida, bebida e os aparellos necesarios.

Un ano máis a Fundación Manuel Maria de estudos galegos e a Federación de asociacións culturais Galiza Cultura, da que a AC O Galo forma parte,  desenvolverán o Convivio da Cultura Galega. E como en ocasións anteriores queremos celebralo, desta volta na súa XII edición, coa participación do conxunto do tecido cultural galego. Deste xeito, convidámosvos a achagarvos a Outeiro de Rei  nesta data de celebración que une ao tecido cultural de base nunha festa anual, este ano será o  sábado 12 de xullo a partir da 11 horas.

Este xoves, 3 de xullo, ás 21.00 no CSC Maruxa e Coralia, teremos a ocasión de escoitar a Miguel Gouveira, nunha sesión para público adulto do Festival Atlántica de Teatro, co seu espectáculo

VÉNME AO BICO UN CONTO
Todos temos necesidade de escoitar e contar historias, pois é con elas que damos forma á complexidade da vida, restauramos a orde coa imaxinación, compartindo experiencias, escoitando ao outro, criando empatía e recuperando a esperanza no individuo e na comunidade.
O feito de contar e oír historias é, así, unha experiencia única, renovada constantemente pola complicidade entre quen conta e quen escoita.
Miguel Gouveia chega da Figueira da Foz, e trae “no bico un contar”. Un contar que mana da súa boca tan fresco, coa palabra tan viva, como chega a auga á bica da fonte. “Veume á bica un conto” como di Miguel, neste dito portugués é iso mesmo: un momento compartido en que teceremos a medias unha trama feita de palabras e silencios, que fai dos contos unha poderosa ferramenta do pensamento e da imaxinación.

Miguel GouveiaNace tirsense, cun par de costelas durienses, e conta e le en voz alta desde que, en 2001, pequenas criaturas o apelidaran de profesor. En 2008, a medias coa súa cara-metade, crea Bruaá Editora e abandona o ensino para tornarse mestre de obras, dedicándose a tempo enteiro á edición, tradución, lectura en voz alta e narración oral. Como lector sonoro, preséntase en bibliotecas, escolas, librarías, asociacións e festivais cos “Concertos de lectura”, designación prestada do escritor brasileiro Rubem Alves. Mentres, o contador de historias traballa cun repertorio construído en grande parte a partir da tradición oral portuguesa e de recollas persoais. Actualmente é tamén libreiro na Bruaá / Libraría do Convento, en Coimbra, onde ocasionalmente presenta os “Concertos de Lectura” para adultos e sesións de contos para os máis novos. Vive na Figueira da Foz, municipio no que organiza o encontro “Tintim por Tchim-Tchim”, onde os contos se xuntan ao viño. E ben ou mal contado, este conto está acabado.