Como integrante da plataforma VIA GALEGA, a AC. O Galo convídavos a asistir aos actos co gallo do 179 ANIVERSARIO DOS MÁTIRES DE CARRAL, o sábado 26 de abril de 2025, na localidade de Carral:
1. 11:30h, lectura  do manifesto que realizará César Caramés ante o monumento aos Mártires de Carral, militares sublevados contra o goberno de Madrid na historicamente denominada Revolución Galega de1846.
2. 11:45h, roteiro teatralizado que se iniciará diante do monumento e acabará no cemiterio de Paleo, onde están soterrados os liberais asasinados en abril de 1846. A teatralización correrá a cargo da "Asociación Cultural e Teatral Abril de Lume e Ferro", o percorrido é de 3 km e o roteiro rematará arredor das 13:15h.  
Para ir,  cada quen debe usar o vehículo que mellor considere.

 O vindeiro mércores, 9 de abril de 2025, ás 19:30 h., na Libraría Couceiro, estades convidados á coferencia  AS FACIANAS MUSICAIS DE ROSALÍA DE CASTRO, Impartida por Xosé Manuel Brea Feijoo.

Xosé Manuel naceu en Vigo o ano 1957. Médico de familia. Na súa faceta de melómano, colaborou en revistas musicais de ámbito folclórico e clásico. Entre os seus artigos musicais, podemos salientar: Rogelio Groba: "O frautín de Guláns" (2005), O nacionalismo musical galego (2007) e El poder de la música (2008). É ademais autor do blog «Medicina y Melodía» (https://medymel.blogspot.com/), onde trata principalmente de humanidades médicas e música. A súa inquedanza literaria levouno a escribir narrativa e poesía, con algunha incursión no teatro.

Na relación de Rosalía de Castro coa música, Xosé Manuel considera tres facianas rosalianas:  a «faciana melódico-sensible»: sensibilidade musical (amor á música, habilidade como instrumentista, potencial capacidade compositiva); a «faciana poético-musical»: poemas de temática musical ou relacionados coa música; e a «faciana inspiradora»: poemas musicados, convertidos en cancións ou cantatas por diversos compositores.

Contamos coa túa presenza e participación.