O vindeiro sábado, 25 de xaneiro, ás 19h. presentamos no CSC de Lavacolla o libro "GUERRA DE 1936/1939 EN COMPOSTELA" que acabamos de editar cunha axuda do concello de Santiago. No acto estarán unha parte dos seus autores e a concelleiera Pilar Lueiro.
A entrada está aberta a todo o público até encher o aforo.

COMPOSTELA A LUPA
MANUEL CHICHARRO BISI
ENTRE DOUS ANIVERSARIOS 1849-1924
Co gallo do dobre aniversario, 175 e 100 anos do nacemento e pasamento do ilustre fotógrafo, o Consordio de Santiago, coa colaboración do Instituto de Estudos Galegos Padre Sarmiento, organizou esta exposición comisariada por Carlos Castelao e Rubén Martínez.
A AC O Galo convídate á visita quiada que fará este sábado, 11 de xaneiro de 2025, ás 12 horas. Non é preciso anotarse, mais compre chegar cedo pois a visita será por orde de chegada até completar aforo.
Co apelido de Chicharro identificamos unha saga de fotógrafos composteláns que marcaron unha época na nosa cidade. O fundador foi Manuel Chicharro Bisi (A Coruña,1849- Compostela, 1924), que foi o primeiro gran retratista, no solo da xente de Santiago de Compostela, senón tamén das súas rúas. Editou o primeiro álbum galego de fotografía monumental, Compostela Monumental, (1884), materializando unha vella aspiración de moitos outros antes ca el.
Manuel dominou a escena santiaguesa desde finais da década de 1870 ata mediados da de 1910. Aprendeu o oficio desde moi novo con profesionais como Ulysse Ferrant, Mariano Bordoy e Louis Sellier.  En Santiago tivo, ao longo da súa carreira, dous estudos abertos: o primeiro no número 34 da rúa Nova (1877 a 1907) e o segundo no 27 da rúa do Vilar (desde 1907). Neste negocio traballaría toda a súa familia, tanto el como a súa muller, Francisca Robelo, e os seus fillos, Consuelo, Elisa, Lola, Manuel, e, quen continuaría a saga, Luís.
Co gallo do dobre aniversario, 175 e 100 anos do nacemento e pasamento do ilustre fotógrafo, o Consordio de Santiago, coa colaboración do Instituto de Estudos Galegos Padre Sarmiento, organizou esta exposición comisariada por Carlos Castelao e Rubén Martínez.