O vindeiro 19 de febreiro, na Libraría Couceiro de Compostela, teremos a oportunidade de escoitar ao catedrático Xaime Estévez na palestra titulada “VINTE CINCO EDICIÓNS DISCOGRÁFICAS PARA ROSALÍA DE CASTRO”. A entrada é libre até encher.
Xaime Estévez Vila é catedrático de música en ensino secundario ( IES Álvaro Cunqueiro-Vigo). Profesor colaborador das universidades galegas no máster de profesorado de secundaria. Membro do equipo ERASMUS do IES Á. Cunqueiro. Membro do comité técnico asesor do Arquivo Sonoro de Galicia pertencente ao Consello da Cultura Galega. Asesora á Radio e a Televisión galega en programas como “Alalá”, “No Bico un cantar” ou” Lume na Palleira (Como membro da AGG). Promotor de eventos culturais como o “Memorial Henrique Otero en Vigo”, “Homenaxe A Tradición do Val Miñor” ou “Tradición en Camiño” e Abrente Folk” en Mos. Forma parte activa dos grupos: Os Terribles de Donas, O Coro galego e Sons do Abrente de Mos, os Novos Galiños de Belesar ou a Banda de Gaitas Raigames de Vigo. Membro da directiva da Asociación de gaiteiro galegos como vogal. Dispón dunha colección de miles de gravacións editadas da música galega e dun blog “Educafolk” con máis de 400 entradas sobre a educación e a música. Manexa paralelamente ao piano e a gaita galega, zanfona, guitarra, acordeón, frauta e instrumentos de percusión galega, así como a voz.
Resumo da palestra “VINTE CINCO EDICIÓNS DISCOGRÁFICAS PARA ROSALÍA DE CASTRO”
Rosalía de Castro é con moito a referencia da literatura galega máis abundante na música. Máis de cincocentos rexistros sonoros (datos da Biblioteca Nacional) multiplican varias veces os que podemos contabilizar a outros que lle seguen como Celso Emilio Ferreiro ou Álvaro Cunqueiro. A obra literaria máis gravada de Rosalía é o “Negra Sombra “ con música de Juan Montes coa particularidade de que a versión musical instrumental é moi común en distintas gravacións. A gravación máis antiga localizada é un rolo de pianola de 1910 conservado na Biblioteca Nacional de “Negra Sombra”, á que seguirán múltiples versións corais a partir dos anos vinte do século pasado como Artística de Vigo, Coral de Ruada, Cantigas da Terra, Coral Rosalía de Castro ou Polifónica de Pontevedra entre outras. Será a partir de 1970 co Pop galego, a música de cámara vogal e coa canción de autor, como se chega a unha definitiva diversificación dos empregados polos músicos.
Hoxe imos deternos nun capítulo non tratado especificamente e que pode ser un primeiro paso necesario para abordar a importancia dos traballos discográficos relacionados coa escritora galega. Son estas edicións as que pensaron nunha unidade o traballo discográfico de varios temas sobre Rosalía de Castro, e así é de xustiza deterse para poñelos en valor, porque sen dúbida foron referencia fundamental para que outros incluíran máis obras con este reclamo e tamén unha demostración palpable da pegada e transcendencia cultural mantida no tempo da obra rosaliana a través da arte musical.
Nós imos deixar constancia de vinte e cinco edicións discográficas que quedarán na historia asociadas totalmente á súa obra por ser monográficos así concibidos premeditadamente polos seus promotores.
Xaime Estévez Vila é catedrático de música en ensino secundario ( IES Álvaro Cunqueiro-Vigo). Profesor colaborador das universidades galegas no máster de profesorado de secundaria. Membro do equipo ERASMUS do IES Á. Cunqueiro. Membro do comité técnico asesor do Arquivo Sonoro de Galicia pertencente ao Consello da Cultura Galega. Asesora á Radio e a Televisión galega en programas como “Alalá”, “No Bico un cantar” ou” Lume na Palleira (Como membro da AGG). Promotor de eventos culturais como o “Memorial Henrique Otero en Vigo”, “Homenaxe A Tradición do Val Miñor” ou “Tradición en Camiño” e Abrente Folk” en Mos. Forma parte activa dos grupos: Os Terribles de Donas, O Coro galego e Sons do Abrente de Mos, os Novos Galiños de Belesar ou a Banda de Gaitas Raigames de Vigo. Membro da directiva da Asociación de gaiteiro galegos como vogal. Dispón dunha colección de miles de gravacións editadas da música galega e dun blog “Educafolk” con máis de 400 entradas sobre a educación e a música. Manexa paralelamente ao piano e a gaita galega, zanfona, guitarra, acordeón, frauta e instrumentos de percusión galega, así como a voz.
Resumo da palestra “VINTE CINCO EDICIÓNS DISCOGRÁFICAS PARA ROSALÍA DE CASTRO”
Rosalía de Castro é con moito a referencia da literatura galega máis abundante na música. Máis de cincocentos rexistros sonoros (datos da Biblioteca Nacional) multiplican varias veces os que podemos contabilizar a outros que lle seguen como Celso Emilio Ferreiro ou Álvaro Cunqueiro. A obra literaria máis gravada de Rosalía é o “Negra Sombra “ con música de Juan Montes coa particularidade de que a versión musical instrumental é moi común en distintas gravacións. A gravación máis antiga localizada é un rolo de pianola de 1910 conservado na Biblioteca Nacional de “Negra Sombra”, á que seguirán múltiples versións corais a partir dos anos vinte do século pasado como Artística de Vigo, Coral de Ruada, Cantigas da Terra, Coral Rosalía de Castro ou Polifónica de Pontevedra entre outras. Será a partir de 1970 co Pop galego, a música de cámara vogal e coa canción de autor, como se chega a unha definitiva diversificación dos empregados polos músicos.
Hoxe imos deternos nun capítulo non tratado especificamente e que pode ser un primeiro paso necesario para abordar a importancia dos traballos discográficos relacionados coa escritora galega. Son estas edicións as que pensaron nunha unidade o traballo discográfico de varios temas sobre Rosalía de Castro, e así é de xustiza deterse para poñelos en valor, porque sen dúbida foron referencia fundamental para que outros incluíran máis obras con este reclamo e tamén unha demostración palpable da pegada e transcendencia cultural mantida no tempo da obra rosaliana a través da arte musical.
Nós imos deixar constancia de vinte e cinco edicións discográficas que quedarán na historia asociadas totalmente á súa obra por ser monográficos así concibidos premeditadamente polos seus promotores.
Feed RSS
