A AC. O Galo convídate á visita guiada que organiza ao  PANTEÓN REAL da  CATEDRAL  de  SANTIAGO.
Este mércores, 4 de decembro, ás 17,55 h.
Guía: o doutor Francisco Rodríguez Sánchez, profesor de ensino medio.
Nesta visita guiada iremos ao Panteón Real onde están soterrados raíñas, reis e grandes nobres que foron decisivos no devir da época medieval en Galiza. Para inscribirvos compre que:
1.     Poñades un email a  [email protected]  antes do martes 3 de decembro ás 19h. Nel constarán o teu nome, 2 apelidos, número do DI e o email de todas e cada unha das persoas para as que demandas praza, incluíd@ ti.
2.     De anotarte, e logo non poder acudir a esta visita, rogámosche moi encarecidamente que nos avises canto antes para substituírte. Como sempre, antes da visita, temos que entregarlle aos responsábeis da catedral, o listado con todos os datos que vos pedimos e xa sabedes que temos numerus clausus.
3.     Aquelas persoas que conseguiron praza recibirán a confirmación axiña para vir a esta visita guiada.
Esta actividade forma parte do ciclo Coñecemento e visibilización da historia de Compostela e do Reino de Galiza, centrado en visibilizar os recursos socioculturais que conservamos do medievo e as relacións da igrexa coa realeza e os grandes nobres de Galiza, durante a Idade Media

O 30 de novembro, ás 16,30 h., comezará a visita guiada na compaña da profesora doutora da UdC Ana Tarrío Tobar e a xornalista Rosalía Macías. Xuntarémonos no palco da música da parroquia de Lavacolla para saír puntuais. Veremos a igrexa, “o cruceiro bonito”, a fábrica de curtidos onde durmían os condenados a traballos forzados e por último o coñecido polos veciños co nome de “campo dos mortos”. Cando remate asistiremos a unha táboa redonda no local do CSC de Lavacolla.

O 30 de novembro, no CSC de Lavacolla, ás 19 h., a continuación do roteiro, terá lugar unha táboa redonda na que participarán Rosalía Macías, Ana Tobar e Xosé Lois Rivas (Mini), para falar do campo de concentración de Lavacolla, a situación dos presos e a súa relación coa veceñanza. 

USC. Laboratorio de Farmacia Militar de Santiago de Compostela. Exército do Norte.
Un mes despois de que estalase a Guerra Civil Española, a Facultade de Farmacia de Santiago de Compostela comezou a funcionar como un centro de fabricación de medicamentos e produtos sanitarios para o exército sublevado. A escaseza de industria farmacéutica e estruturas da farmacia militar na zona franquista obrigou a crear novos espazos que desen resposta á gran demanda sanitaria que a guerra estaba a xerar. O Laboratorio de Farmacia Militar de Santiago de Compostela contou coa colaboración da meirande parte dos profesores da facultade, que foros asimilados como militares, e de xoves voluntarios. Este voluntariado constituíuse principalmente por mozas pertencentes á burguesía compostelá que acudiron de xeito inmediato e espontáneo ás portas de Fonseca para ofrecer a súa axuda. O traballo desenvolvido durante estes tres anos foi primordial para que a produción de medicamentos e apósitos do Laboratorio fose moi notable, sobre todo na calidade das preparacións.

O vindeiro xoves, 7 de novembro, no Vide-Vide, faremos a presentación do libro e asistiremos á proxección do documental "O NACIONALISMO GALEGO NA DÉCADA DOS 70". Intervirán Suso Seixo, presidente da Fundación Moncho Reboiras, e Ramón Varela.
Esta obra quere homenaxear as centos de persoas que co seu esforzo, sacrificios e entrega militante, fixeron posíbel o renacemento e introdución social do nacionalismo como movemento social, ideolóxico e político.

O vindeiro mércores, 30 de outubro, comezamos unha serie de actividades dentro do programa RECUPERACIÓN,  COÑECEMENTO  E  VISIBILIZACIÓN  DA  MEMORIA  HISTÓRICA  EN  SANTIAGO  DE  COMPOSTELA  DURANTE  A PRIMEIRA  METADE  DO  SECULO  XX  E NA  IDADE  MEDIA.  
A primeira será unha visita guiada ao Panteón Real e Tribuna da Catedral de Santiago. Se queres participar, debes anotarte enviando un correo á AC O Galo. Están programadas dúas máis que serán anunciadas uns días antes tanto nesta páxina como nos médios de comunicación.

O venres, 25 de outubro, faremos un roteiro co alumnado de 5º e 6º de educación infantil do Apóstolo Santiago polo monte da Almáciga. Imos percorrer varias rúas e os seus parques para aprender os seus segredos. Veremos o emprazamento de edificios que xa non existen como o mosteiro de S. Pedro de Fóra ou o almacén de pólvora; escoitaremos a lenda de Xoán Tuonum a carón do dragón que garda a porta; xogaremos nos alquerques...

O vindeiro mécores, 23 de outubro, preséntase o nº 190 da revista Terra e Tempo, na Facultade de Historia da USC. Número adicado a Benito Vicetto, no que colaboran entre outras persoas: Xosé Ramón Freixeiro Mato, Esperanza Piñeiro de San Miguel e María Pilar García Negro.